İsrailin Rabitə Nazirliyi bütün ölkə ərazisini sürətli internetlə təmin edəcək dövlət şirkətinin təsis olunmasına dair hökumət başçısından göstəriş alıb. İsrail hökuməti özəl firmaların, xüsusən də ölkənin əyalətlərində təqdim etdiyi internet-rabitənin sürətindən narazıdır. Hazırda bu ölkədə iki növ internet infrastrukturu mövcuddur. Bu “Bezek” telefon kabeli və HOT televiziyasının çoxkanallı kabelli vasitəsilə təşkil olunan internet-rabitələrdir.
Dövlət internet-şirkəti isə “Hevret Xaşmal” elektrik şirkətinin optik-lif kabellərinin infrastrukturundan istifadə edəcək və bu proses İsrail Rabitə Nazirliyinin nəzarəti altında həyata keçiriləcək. Bu barədə İsrail xəbərləri saytı məlumat yayıb.
