Modern.az

\"Qarabağ\"a texniki məğlubiyyət verildi

\

23 Oktyabr 2018, 14:10

FFA İntizam Komitəsi "Qarabağ" klubuna texniki məğlubiyyət verib.

 

Modern.az Peşəkar Futbol Liqasının saytına istinadən xəbər verir ki, buna səbəb Ağdam komandasının Azərbaycan Premyer Liqasının VIII turunda evdə "Səbail"i 1:0 hesabı ilə məğlub etdiyi matç zamanı adı protokolda olmayan futbolçunu meydana buraxmasıdır. 

 

Abbas Hüseynovun adı matçın iştirak ərizəsində göstərilməsə də, baş məşqçi Qurban Qurbanov onu ikinci hissədə kapitan Rəşad Sadıqovun əvəzinə meydana buraxıb. Buna görə də görüşün nəticəsi ləğv olunub və kluba 0:3 hesablı texniki məğlubiyyət verilib. Kluba isə 8 min manat cərimə kəsilib.

 

Qeyd edək ki, görüş "Qarabağ"ın 1:0 hesablı qələbəsi ilə yekunlaşıb. AFFA İntizam Komitəsi Premyer Liqada daha öncə "Zirə"yə də texniki məğlubiyyət verib. Qurum həmçinin I Divizionda "Səbail-2"ni də texniki məğlubiyyətlət cəzalandırıb. 

Telegram
Hadisələri anında izləyin!
Keçid et
Ukraynadan Rusiyaya ardıcıl zərbələr: Vəziyyət kritikdir