“Rusiya 2025-2035-ci illərdə ABŞ üçün Çin qədər potensial təhlükə törətməyəcək”.
Modern.az xarici KİV-ə istinadən xəbər verir ki, bu barədə ABŞ Birləmiş Qərargah Rəisləri Komitəsinin sədri general Cozef Danford Dyuk Universitetində tələbələr qarşısında çıxışı zamanı deyib.
Onun sözlərinə görə, həmin tarixə ABŞ-ın silah və texniki üstünlüyü həm Çin, həm də Rusiyadan qat-qat çox olacaq.
“Rusiya hərbi gücünü çətin ki, yüksək səviyyədə saxlaya bilsin. Rusiyanın demoqrafik və iqtisadi göstəriciləri azalmaqda davam edir. Ona görə düşünürəm ki, 2025 və 2035-ci illərdə Rusiya Çin qədər ciddi təhlükə törətməyəcək”.
Danford Çinin hərbi potensialını artırdığını və yaxın illərdə Vaşinqtonun əsas geosiyasi rəqibi olacağını proqnozlaşdırıb.
