Modern.az

“İran-Azərbaycan münasibətlərini heç kim poza bilməz” - Ruhani

“İran-Azərbaycan münasibətlərini heç kim poza bilməz” - Ruhani

19 Noyabr 2018, 22:55

“İran-Azərbaycan münasibətlərini heç kim poza bilməz. Bu münasibətlər qarşılıqlı faydalı əməkdaşlığa, etimada və dostluğa əsaslanır”. Modern.az xəbər verir ki, bunu İran prezidenti Həsən Ruhani ölkənin Qərbi Azərbaycan vilayətinin Xoy şəhərində xalq qarşısında çıxış edərkən bildirib.

 

Həsən Ruhani qeyd edib ki, İranın düşmənləri müxtəlif təxribatlarla onun Türkiyə, İraq və Azərbaycan ilə münasibətlərini korlamağa çalışıblar: “Lakin tərəflərin qarşılıqlı etimadı bu təxribatların baş tutmasına imkan verməyib. Ruhani qeyd edib ki, İran bütün qonşuları ilə yaxın əlaqələrini inkişaf etdirməkdə maraqlıdır”.

 

Prezident vurğulayıb ki, İran xalqının Allahdan başqa heç kimdən qorxusu yoxdur: “Biz heç bir dövlətə qarşı sanksiya tətbiq etməmişik. Bölgədə həyata keçirdiyi qeyri-konstruktiv siyasətin məğlubiyyətə uğradığını görən ABŞ İrandan qisas almaq istəyir. Ona görə də iqtisadi sanksiyalar tətbiq etməklə İran xalqını sosial vəziyyətini gərginləşdirməyə çalışır. İstəyir ki, ölkədəki sabitliyi pozsun. Lakin xalqın birliyi və düşmənin hiyləsini başa düşməsi buna imkan verməyəcək. ABŞ-ın İrana qarşı apardığı psixoloji müharibə məğlubiyyətə düçar olacaq”.

Ruhani bəyan edib ki, İran heç bir dövlətin daxili işinə qarışmır və heç bir regiona müdaxilə etmir.

 

O, Urmiya gölünün quruması məsələsinə də toxunub.

Prezident diqqətə çatdırıb ki, əgər hökumət tədbirlər görməsəydi, bu gün göldə bir damcı da olsun su qalmazdı. Məhz dövlətin həyata keçirdiyi tədbirlərin nəticəsidir ki, Urmiya gölünün quruması dayanıb. Gələcəkdə daha səmərəli tədbirlər hazırlanaraq gölün suyunun əvvəlki səviyyəyə qalxması təmin ediləcək.

Twitter
Sizə yeni tvit var
Keçid et
Ukraynadan Rusiyaya ardıcıl zərbələr: Vəziyyət kritikdir