Azərbaycan və Ermənistan ictimai xadimlərinin görüşü olacaq. Modern.az-ın məlumatına görə, bu barədə Bakıda “XXI əsrdə demokratiya ilə bağlı problemlərin həlli” mövzusunda keçirilən konfransda iştirak edən Rusiya prezidenti yanında İctimai palatanın üzvü Yuri Dibladze jurnalistlərə açıqlama verib. “Rusiya Qarabağ münaqişəsinin tezliklə həllində maraqlıdır, Rusiya üçün onun qonşularının düşmənçilik etməsi arzuolunan deyil”deyən Dibladze əlavə edib ki, Moskva münaqişənin həlli üçün bütün səylərini sərf edir. Onun sözlərinə görə, rusiyalı huquq müdafiəçiləri də Azərbaycan və Ermənistan ictimai xadimləri arasında görüşün təşkili üçün maksimum səy göstərməyə hazırdır.
“Rusiya ATƏT-n Minsk qrupunun həmsədridir və nizamlama prosesində münaqişə tərəfləri qarşısında öhdəliyi var. Buna görə də Rusiya nizamlama prosesində bundan sonra da fəal iştirak edəcək”.
Qeyd edək ki, Bakıda Kanada və Niderlandın xarici işlər nazirliklərinin dəstəyi ilə “XXI əsrdə demokratiya ilə bağlı problemlərin həlli” mövzusunda ikigünlük beynəlxalq konfrans keçirlir. Tədbirdə bir ısra ölkələrdən huquq müdafiəçiləri və siyasətçilər iştirak edir.