Arxiv
30 Noyabr 2018, 11:51 | QARABAĞ
“Qarabağ”ın meydana çıxardığı şəhid övladları - Komitə sədrinin təşəbbüsü ALQIŞLANDI

Dünən “Qarabağ” klubu UEFA Avropa Liqasının 5-ci turu çərçivəsində Portuqaliya “Sportinq”ini qəbul edib. Oyun “Sportinq”in 1:6 hesablı qələbəsi ilə yekunlaşıb. 

Oyunöncəsi diqqət çəkən məqamlardan biri “Qarabağ”ın futbolçularının meydana şəhid övladları ilə çıxması idi.

Bildirək ki, şəhid uşaqlarının “Qarabağ”ın oyunçuları ilə meydana çıxması təşəbbüsünü Qaçqınların və Məcburi Köçkünlərin İşləri üzrə Dövlət Komitəsi irəli sürüb.

Modern.az saytı şəhid uşaqlarının meydana çıxması və belə bir təşəbbüsün həyata keçirilməsinin əhəmiyyətini öyrənməyə çalışıb.


“Aprel döyüşləri”nin iştirakçısı, şəhid polkovnik-leytenant Raquf Orucovun xanımı Sevinc Alızadə bildirib ki, ideyanın özü çox yaxşıdır və davamlı olmasına ehtiyac var:



“3 ildir ki, biz də şəhid ailələrindən biriyik. Həmişə bir söz demişəm. Şəhid ailələrinə maddi dəstəkdən çox, mənəvi dəstək lazımdır.  Ona görə də cəmiyyətin hər bir üzvünün onların dəyərini bilməyə haqqı var. Hər bir şəhid ailəsi özünü cəmiyyətdən təcrid olunmuş hiss etməməlidir. 2016-cı ilin ağır günlərini unutmaq olmaz. Bütün insanlar ətrafımızda idi. Şəhidlərimiz xalq üçün canını fəda edib. Ona görə də onların hər birinin cənazəsi xalqın çiyinlərində gedirdi. Biz yad kimi  kənarda qalmışdıq. Şəhidlərimiz bir dəfə yox, hər dəfə yad edilməlidir. Çünki bizim müharibəmiz bitməyib.
Amma əsas məqsədlərimizə çatmamışıq. Şəhidlərimizin qanı hələ ki yerdə qalıb. Məqsədlərimizə çatdıqdan sonra onların hər birini qələbə şəhidi kimi anmaq üçün mütləq o ailələrə böyük dəstək göstərməliyik. Onların cəmiyyətdə üstün mövqe tutduqlarını, başımızın tacı olduqlarını hər an hiss etdirməliyik.
Buna görə də şəhid uşaqlarının futbol meydançasına daxil olmasını alqışlayıram. “Dövlətqaçqınkom”un sədri Rövşən Rzayev şəhid ailələrinə hörmət edib. Onun diqqət və qayğısını hər zaman hiss etmişik. Bu, birinci tədbir deyil. Düşünürəm ki, bu təkcə Rövşən müəllimin yox, bütün təşkilatların üzərinə düşən məsuliyyətdir. Şəhid ailələrimizi hər zaman qorumalıyıq. Çünki şəhidlərimizin arxada bir əmanəti var.  Əslində, şəhid uşaqlarının futbolçularla meydana çıxması böyük bir şey deyil. Ancaq baxın, uşaqlara nə boyda sevinc bəxş etdilər. Öz övladımı misal çəkmək istəyirəm. O qədər sevincli idi ki! Evə gələndən ancaq futbol meydançasındakı təəssüratlarını danışırdı. Bir məqama da toxunum: “Qarabağ” futbol komandasının kollektivi ilk vaxtlardan yanımızda olub. Bunu danmaq olmaz. İnanıram ki, bu cür təşəbbüslər davamlı olacaq”.


Milli Qəhrəman Şirin Mirzəyevin xanımı, Milli Məclisin deputatı Flora Qasımovanın da nəvəsi həmin uşaqların arasında olub:

““Qarabağ”ın dünənki oyununda futbolçularımızın qarşısında şəhid ailələrinin uşaqları dayanmışdı. O uşaqların arasında mənim və Milli Qəhrəman Şirin Mirzəyevin nəvəsi də vardı. 7 yaşlı nəvəm dünən evə gələndən təəssüratlarını danışır. Uşaqlara sevinc bəxş etdiklərinə görə, “Dövlətqaçqınkom”un sədri Rövşən Rzayevə təşəkkür edirəm. Çox yaxşı təşəbbüsdür. Balaca uşaqlarımız gələcəkdə çox yaxşı azarkeş olacaqlar. Bu məqam hər zaman xatirələrində qalacaq. Hər halda, maraqlı görüş oldu. Düzdür, bizim komanda uduzdu. Amma nə edək ki?! bu oyundur, udmaq da, uduzmaq da olar. Düşünürəm ki, “Qarabağ” futbol klubunun oyunçuları Ağdam torpağında oynasaydılar, daha böyük uğurlar əldə edərdilər”.

BU KATEQORİYADAN OLAN DİGƏR XƏBƏRLƏR
+ Arxiv
Paşinyan Qarabağla bağlı məsuliyyəti boynundan atır 23 Aprel 2019, 00:56 Yaponiyada 5,4 ballıq zəlzələ oldu 23 Aprel 2019, 00:29 Saxta manatı necə tanımalı? - FOTO 23 Aprel 2019, 00:13 Yevlaxda 14 yaşlı qız zəhərlənərək öldü 22 Aprel 2019, 23:48 Qazaxda orta məktəb şagirdi tələbəni qətlə yetirdi - YENİLƏNİB 22 Aprel 2019, 23:34 Makedoniyada seçkilərin II turu mayın 5-də keçiriləcək 22 Aprel 2019, 23:29 ABŞ-da təyyarə qəzası: 6 ölü 22 Aprel 2019, 23:14 Azərbaycanın BMT çərçivəsində hərbi əməkdaşlığı müzakirə edilib 22 Aprel 2019, 22:43 Putin Şimali Koreya lideri ilə Vladivostokda görüşəcək 22 Aprel 2019, 22:30 Sahibə Qafarova Şəmkirdə seçicilərlə görüşdü - FOTO 22 Aprel 2019, 22:13 İsmayıllıda fəhlə uçan divarın altında qalıb öldü 22 Aprel 2019, 21:57 Qazaxıstan nefti Bakı-Supsa boru kəməri ilə Qara dənizə çatdırılacaq 22 Aprel 2019, 21:42 Türkiyədən ABŞ-ın sanksiyalarına cavab 22 Aprel 2019, 21:29 Yaponiya və Çindən Azərbaycana gələn turistlərin sayı artıb 22 Aprel 2019, 21:13 Beş milyarder həbs olundu 22 Aprel 2019, 20:38 İstanbulda 4 mərtəbəli bina uçdu 22 Aprel 2019, 20:18 Qafqaz almanlarının nəvə və nəticələri Göygöldə - FOTO 22 Aprel 2019, 20:02 Zaqatalada dolu əleyhinə raket tapıldı - FOTO 22 Aprel 2019, 19:55 Gömrükçülər üçün təlimə start verildi - Foto 22 Aprel 2019, 19:46 ABŞ Poroşenkoya toxunmamaq göstərişi verib 22 Aprel 2019, 19:37 Bakıda orta məktəbdən oğurluq olub 22 Aprel 2019, 19:28 Təhsil işçiləri arasında futbol çempionatı - FOTO 22 Aprel 2019, 19:18 Nazirlik aprel ayının qeyri-sabit keçməsinin səbəblərini açıqladı 22 Aprel 2019, 19:09 “Nar” Azərbaycan Qran Prisi üçün texniki hazırlıqları başa çatdırıb 22 Aprel 2019, 19:00 BMU-da Nəsiminin 650-illik yubileyi qeyd olunub - FOTO 22 Aprel 2019, 18:50 Ermənistanın əhalisi iki dəfə azalacaq – BMT açıqladı 22 Aprel 2019, 18:42 BDU-nun rektoruna 16 gün ərzində tələbələrdən 663 müraciət daxil olub 22 Aprel 2019, 18:34 Fikrət Məmmədov: 51 icra məmuru vəzifəsindən azad olunub 22 Aprel 2019, 18:26 Azərbaycan Burundi qaçqınlarına yardım ayırıb 22 Aprel 2019, 18:18 Mirqafar Seyidov Bakı polisini topladı - FOTO 22 Aprel 2019, 18:10