Ermənistan Bakıda keçiriləcək Qara Dəniz İqtisadi Əməkdaşlıq Təşkilatı (QDİƏT) Xarici İşlər Nazirləri Şurasının iclasında təmsil olunacaq.
Modern.az saytının Ermənistan KİV-nə istinadən məlumatına görə, bu haqda ölkənin Xarici İşlər Nazirliyinin mətbuat katibi Anna Naqdalyan bildirib.
Onun sözlərinə görə, Ermənistanı Bakıda keçiriləcək iclasda XİN-in Çoxtərəfli və İkitərəfli İqtisadi Əməkdaşlıq Departamentinin rəisi Aşot Koçaryan təmsil edəcək.
Qeyd edək ki, QDİƏT Xarici İşlər Nazirləri Şurasının iclası dekabrın 14-də Bakıda keçiriləcək.
Xatırladaq ki, Rusiya xarici işlər naziri Sergey Lavrov da toplantıda iştirak üçün bu gün Bakıya gələcək.
