Modern.az

Bu yol bütün avtomobillər üçün bağlandı

Bu yol bütün avtomobillər üçün bağlandı

13 Dekabr 2018, 20:23

Gürcüstandan Rusiyaya gedən yeganə avtomobil magistralı - Yuxarı Lars yolu bu gündən bütün növ avtomobillər üçün bağlanıb. Modern.az  “Azərtac”a istinadən xəbər verir ki, bu barədə Gürcüstanın müvafiq dövlət strukturları məlumat yayıb.

 

Məlumatda deyilir ki, hava şəraitinin kəskin dəyişməsi, güclü qar yağması, yolların buz bağlaması və dağlarda qar uçqunu səbəbindən yolda bütün növ avtomobillərin hərəkəti qadağan edilib.

 

Məlumata görə, hazırda yolda Azərbaycan, Türkiyə, Ermənistan, Rusiya, Ukrayna və digər ölkələrə məxsus 200-dən çox yük maşınları, eləcə də minik avtomobilləri dayanıb.

 

Bundan başqa, Transqafqaz magistralı da (Transkam) bağlanıb. Bu magistrala yaxın dağlarda qar uçqunu ola biləcək əraziləri zərəsizləşdirmək üçün kəşfiyyat xarakterli atəş hazırlığı aparılır.

Instagram
Gündəmdən xəbəriniz olsun!
Keçid et
Son dəqiqə- Paşinyan Qazaxın Əskipara kəndinə gəldi