“Hind kinosu” devizi ilə yayınlanan “Maşın” şounun dördüncü günü iştirakçı sayı daha bir nəfər azalıb. Modern.az xəbər verir ki, bu dəfə səsverməyə aparıcı-aktrisa Aysel Nazim çıxıb. O, oyun boyu hədəfinin kişilər olduğunu açıqlayıb.
Onun açıqlamasından sonra Səmra Rəhimli, Nara Əliyeva Ayselin getməsi üçün səs istəyib. Aktrisa sonda hədəfinin Ramil Nabran olduğunu deyib. 37.81 faiz səs toplayan Aysel oyundan gedib.
Qeyd edək ki, hazırda şouda mübarizəni şairə Nazilə Səfərli, müğənni Mina Hüseyn, Səmra Rəhimli, Samir Cavadzadə, Dilarə Kazımova, reper Ramin Nabran, aparıcılar Ranar Musayev, Xose Bernardo, aktrisalar Xəyalə Quliyeva, Nərgiz Əliyeva, Aydan Axundzadə, aktyorlar Allahverdi Yolçuyev, Sərxan Kərəmoğlu, bloqqerlər Mənsur Şəriyev, Taleh Yüzbəyov davam etdirir.
