Modern.az

BANM SOCAR - Foster Wheeler ilə əməkdaşlığı genişləndirir

BANM SOCAR - Foster Wheeler ilə əməkdaşlığı genişləndirir

18 Dekabr 2018, 13:06

Bakı Ali Neft Məktəbinin (BANM) rektoru Elmar Qasımov SOCAR-Foster Wheeler (FW) Mühəndislik Xidmətləri birgə müəssisəsinin baş direktoru Elməddin Dadaşov və onun birinci müavini Mario Castellano ilə görüşüb.

 

Rektor qonaqları salamlayaraq qeyd edib ki, SOCAR-FW Mühəndislik Xidmətləri birgə müəssisəsi Ali Məktəbin tələbə və məzunları üçün arzuolunan şirkətlər sırasındadır. BANM-ın fəaliyyətinin son uğurlarını və şirkətlərlə əməkdaşlığa böyük önəm  verdiyini vurğulayan rektor, Ali Məktəblə birgə müəssisə arasında əməkdaşlığın daha da genişləndirilməsində maraqlı olduğunu bildirib.

Müəssisənin baş direktoru Elməddin Dadaşov rektor Elmar Qasımova görüş və qonaqpərvərlik üçün təşəkkür edib, müəssisənin fəaliyyəti haqqında danışıb. Daha sonra o müəssisənin tələbələrlə işə böyük önəm verdiyini, onlar üçün xüsusi təcrübə proqramlarının təşkil edildiyini bildirib.

Baş direktorun birinci müavini Mario Castellano isə müəssisənin xüsusilə avtomatlaşdırma və kimya mühəndisliyi istiqamətində bilikli gənc mütəxəssislərə ehtiyyacı olduğunu bildirib.

 

Görüşdə Ali Məktəblə müəssisənin tələbələrin işlə təmin olunması istiqamətində görəcəyi işlər müəyyən edilib. Tərəflər arasında yanvar ayında tələbələrə SOCAR-FW Mühəndislik Xidmətləri birgə müəssisəsi tərəfindən təqdimat ediləcəyi, həmçinin memorandum imzalanması razılaşdırılıb. Daha sonra isə müəssisənin İnsan Resursları şöbəsi tərəfindən tələbələr arasından qaydalara uyğun seçim ediləcək və müəssisə tərəfindən təsdiq olunmuş sonuncu kurs tələbələri təcrübə proqramına başlayacaq. Təcrübə proqramını uğurla başa vuran tələbələrə SOCAR-FW Mühəndislik Xidmətləri birgə müəssisəsi tərəfindən iş təklifi ediləcək.

 

Qeyd edək ki, SOCAR - FW Mühəndislik Xidmətləri birgə müəssisəsi neft emalı, neft-kimya və ətraf mühit layihələrində mühəndislik, satınalma və tikintiyə nəzarət və layihənin idarəedilməsi xidmətləri göstərir.

 

     

Twitter
Sizə yeni tvit var
Keçid et
Rusiyada ağır döyüşlər: Ukrayna partizanları əraziləri bombalayır