18 yanvar 2019, Cümə
Ana Səhifə - REPORTAJ - “Futbolumuzun anası ağlar qalıb!” - İdman jurnalistlərindən AFFA-ya ŞOK İTTİHAMLAR
“Futbolumuzun anası ağlar qalıb!” - İdman jurnalistlərindən AFFA-ya ŞOK İTTİHAMLAR
19.12.2018, 08:52

2018-ci il digər sahələrdə olduğu kimi idmanda da fərqli hadisələrlə yadda qaldı. Uğurlarımız, uğursuzluqlarımız oldu...

Bu sahəni daim araşdıran idman jurnalistləri 2018-ci ilin yekunu ilə bağlı fikirlərini Modern.az-a bölüşüblər. Həmkarlarımızın dəyərləndirməsindən məlum olur ki, 2018-ci il idmanımızda o qədər də uğurlu il hesab edilmir:


“Futbol +” qəzetinin baş redaktoru Mahir Rüstəmli
vurğulayıb ki, 2018-ci ildə idmanımız standart hadisələrlə geridə qaldı:

“Əvvəlki illərdə olduğu kimi, bu il də bir çox beynəlxalq yarışlar Azərbaycanda keçirildi. Amma bu il də komanda idman növlərinə nisbətən fərdi idman sahələrində müəyyən nailiyyətlərimiz qeyd edildi.

Başa çatmaqda olan 2018-ci ildə Azərbaycan klubları Avrokuboklarda son yeddi ildə ən zəif nəticəsini göstərdi. Bundan başqa, Azərbaycan futbolu üzrə milli yığmamız Millətlər Liqasında zəif nəticə göstərdi. Biz ümid edirdik ki, “B qrupu”nda lider olub, ən azı Avropa Çümpionatının final mərhələsinə vəsiqə uğrunda mübarizəni davam etdirəcək. Təəssüf ki, bu da alınmadı. 

Voleybol üzrə milli komandamız Yaponiyada 15-ci yerə çıxdı. Bu da yüksək nəticə hesab oluna bilməz.

Milli komandamızda ümumilikdə 400 gün çəkən Qurban Qurbanov erası başa çatdı. Bu isə azarkeşlərdə növbəti ümidsizliyi yaratdı”.


Baş redaktorun fikrincə, Şəhriyar Məmmədyarovun Dünya Şahmat Turnirində yaxşı nəticələr əldə etməsi bu sahədə stimulu bir qədər artırdı:

“Fərdi idman növlərində Dünya və Avropa Çempinatlarında uğurlu nəticə göstərən idmançılarımız oldu. Güləş üzrə Eldəniz Əzizli uğurlu nəticə əldə etdi. Amma bu cür nailiyyətlər az qala hər il təkrarlanır. Ona görə, Azərbaycan idmanı üçün 2018-ci il qeyri-adi bir hadisə ilə yadda qalmadı. Ölkə adi idman ilini yaşadı”.

“Report” İnformasiya Agentliyinin idman yazarı Şamo Quliyev deyib ki, komanda yarışlarında Azərbaycanın futbol yığması Millətlər Liqasına “pley-off”a vəsiqə qazana bilməsə də, Qurban Qurbanovun rəhbərlik etdiyi “Qarabağ” ardıcıl 5-ci mövsüm Avrokuboklarda qrupa düşdü. Ş. Quliyev futbolla bərabər, idmanın  digər sahələrində qazandığımız uğurları da sadalayıb:


“Güləşçi Eldəniz Əzizli Avropa və dünya çempionu oldu. Mariya Stadnik isə Avropa çempionu və Dünya çempionatının gümüş medalını qazandı. Şahmatçımız Şəhriyar Məmmədyarov İddiaçılar Turnirində ikinci yeri tutdu. Karateçimiz İrina Zaretska dünya çempionu olmaqla yanaşı, Avropa çempionatının gümüş medalına sahib çıxdı.

Cüdoçulardan Uşangi Kokauri Dünya çempionatında ikinci oldu, Hidayət Heydərov isə Avropa Çempionatının gümüş, Dünya Çempionatının bürünc medalına yiyələndi. Həmçinin sərbəst güləşçi Turan Bayramov cüdoçu Vüqar Talıbov və gimnast Yelizaveta Luzan yeniyetmələr arasında olimpiya çempionu oldular”.

Həmkarımız xatırladır ki, Azərbaycan 2018-ci ildə də bir sıra mötəbər beynəlxalq yarışlara da ev sahibliyi etdi. Şamo Quliyev buna misal olaraq, Bakıda keçirilən “Formula 1” üzrə Azərbaycan Qran Prisi, Cüdo üzrə dünya çempionatı, batut gimnastikası, ikili mini-batut və tamblinq üzrə Avropa çempionatı, BMX üzrə dünya çempionatını da xatırladıb:

“Şəmkirdə isə Vüqar Həşimovun xatirəsinə həsr olunmuş ənənəvi “ShamkirChess” superturniri keçirildi. Ümumilikdə, 2018-ci ili idman sahəsi üçün nisbətən uğurlu il hesab etmək olar”.

Goal.az saytının əməkdaşı Zeynəb Əlizadə isə düşünür ki, ötən illə müqayisədə bu il idman sahəsində sakitlik oldu:

“Futbol üzrə milli komandamızın Millətlər Liqasında mübarizəni dayandırmasından daha çox, Qurban Qurbanovun məşqçi postundan getməsi səs-küy yaratdı. U-19 yığmamızın tarixində ilk dəfə mərhələ adlaması əlamətdar hadisələrdən biri idi.

Digər idman növlərinə gəlincə, “Formula 1” Azərbaycan qran-prisi ötən il olduğu kimi, bu il də ilin ən yaxşı yarışı seçildi. Cüdo üzrə Dünya Çempionatı da Bakıda keçirildi. Amma təəssüf ki, cüdoçularımız bu yarışda uğursuz çıxış etdilər. Güləşçimiz Eldəniz Əzizlinin dünya çempionu olmasını isə ilin uğurları sırasında göstərmək olar”.


“Yeniçağ.az”ın əməkdaşı Emin Səfərov
bir çox həmkarının əksinə, 2018-ci ilin məhsuldar keçdiyini düşünür. Onun fikrincə, ölkəmizdə baş tutan idman yarışlarının siyahısına baxarkən bu qənaətə gəlmək olar:

“Amma mənə görə əsas sual bu yox, həmin yarışların ölkə idmanına hansı faydaları verməsidir. Bu mənada yalnız Bakıda keçirilən Cüdo üzrə Dünya Çempionatını fərqləndirmək istəyərdim. “Formula 1” üzrə Azərbaycan Qran Prisi kimi yarışlar isə göstəridən başqa bir şey deyil. Təəssüf ki, məhsuldarlıq ənənəvi şəkildə davam etmir. Bir müddət əvvəl hansısa yarışda uğur qazanan idmançımız, növbəti turnirdə fiaskoya uğrayır. Bizim idmançılarımızın “xəstəliyi” odur ki, bir yarışa fokslanıb, uğur qazanaraq, pulunu alırlar və bununla da karyerasının zirvəsində olduğunu düşünürlər. Ev, maşın alıb, özünə şərait quran idmançı artıq idman sahəsində bütün uğurlara imza atdığını zənn edir. Nəticədə onda arxayınlıq, boşluq yaranır. Bu da istər-istəməz Azərbaycanın beynəlxalq arenada qazanacağı nəticələrə mənfi təsir göstərir”.

Futbol sahəsinə gəldikdə isə, Emin Səfərov deyib ki, problemlər və potensialımız göz önündədir:

“Ölkə futbolunda inkişafdan söhbət belə gedə bilməz. AFFA-nın başbilənləri pafoslu cümlələrlə ictimaiyyətin başını aldatmaqla məşğuldur. “Anası ağlar qalan” futbolumuzun göz yaşını siləcəyinə əmin olduğumuz Qurban Qurbanovun planlı şəkildə Millidən uzaqlaşdırması da bunun əyani sübutudur. İndiki AFFA rəhbərliyi vəzifədə olduğu, yalnız özünün və ətrafının cibini düşündüyü müddət ərzində hansısa inkişafı gözləmək ağılsızlıq olar. Yalnız fərdi şəkildə "Qarabağ"ın ənənəvi olaraq Avrokuboklarda uğurlu çıxışını qeyd etmək lazımdır ki, bu da klubun yürütdüyü düzgün siyasətin nəticəsidir. Təəssüf ki, AFFA rəhbərliyi də məhz bu uğurun kölgəsində gizlənib”.

“Kaspi” qəzetinin idman yazarı Natiq Muxtarlı öz sahəsinə uyğun, yalnız futbolu şərh edib. N.Muxtarlının fikrincə, 2018-ci ili Azərbaycan futbolunun bərbad idarəçiliyinin təzahürü kimi xarakterizə etmək daha məntiqli olar:

“Bu il bir daha əmin olduq ki, Azərbaycan futbolunun idarəetmə sistemi iflic vəziyyətindədir. Bu sahədəki idarəçilərin verdikləri qərarlar diletantlığın  nümayişidir. Azərbaycan yığma komandası ən zəiflərin yer aldığı Millətlər Liqasının ən aşağı divizionunda da qarşıya qoyulan vəzifəni yerinə yetirə bilmədi.

“Qarabağ” isə Avrokubokların qrup mərhələsində çıxış etdiyi müddətdə ən zəif nəticəni məhz bu il göstərdi. Azərbaycan futbolu tənəzzülə doğru “məhsuldar il”i geridə qoydu. Qurban Qurbanovun yığmanın baş məşqçi postuna gətirilməsi səhv addım idi. Məhz bu addım 2018-ci ildə tənəzzülü sürətləndirdi. Qurban Qurbanovun yığmada nəticə əldə edə bilməyəcəyi əvvəldən məlum idi. Üstəlik, bir əldə iki qarpız tutmaq “Qarabağ”ın da zəifləməsini şərtləndirdi. Qurban Qurbanov “Qarabağ”ın maraqlarını yığmanın maraqlarına qurban verməyə məcbur oldu ki, bu da əks effekti verdi.

İş adamları, sahibkarlar Azərbaycanın futbol təsərrüfatına 2018-ci ildə də maraq göstərmədilər. Azərbaycan çempionatı “Bakı çempionatı” statusuna düşdü. 2017-ci ildə heç olmasa Gəncədə futbol vardısa, 2018-ci ildə Azərbaycanın ən böyük ikinci şəhərində də futbol “öldü”.

Amma əvəzində futbol təsərrüfatında intriqalar “məhsuldarlığı” ilə seçildi. AFFA-dakı qruplaşmaların “oyunları” sağlam idarəçiliyin formalaşmasına mane olur. Azərbaycanın bölgələrində klubların olmamağı bir yana, uşaq futbolunun durumu daha da acınacaqlı hala gəldi. AFFA demək olar ki, bölgə anlayışını leksikonundan silib. Onlar üçün sadəcə, Bakıda bir-iki süni örtüklü meydança və 2-3 manatlıq “kitayski” toplarla ora-bura qaçan 200-300 uşaq var. Bax, AFFA-nın uşaq futbolunun inkişaf konsepsiyası budur. AFFA-da rəhbərlik, idarəçilər dəyişməsə, 2019-cu ildə “tənəzzül məhsuldarlığımız” daha yüksək olacaq”.



“CBC Sport”un şərhçisi Elnur Məmmədli isə bunları çatdırıb:

“2018-ci ilin yekunlarına diqqət yetirdikdə öncə ölkəmiz üçün ənənəvi idman növlərinə baxmaq olar. Bu il Yunan-roma güləşi üzrə milli komandamızın üzvü Eldəniz Əzizli parlaq qələbələri ilə bizi sevindirdi. O, əvvəlcə Rusiyadakı Avropa çempionatında, daha sonra isə Macarıstandakı dünya çempionatında fəxri kürsünün ən yüksək pilləsinə qalxdı. Mariya Stadnik 7 qat Avropa çempionu oldu. Cüdo üzrə Dünya Çempionatına ilk dəfə Bakı ev sahibliyi etdi. Təəssüf ki, cüdoçularımızın qazancı bu yarışda yalnız gümüş və bürünc medallar oldu. Bakı növbəti dəfə “Formula-1” yarışlarını qəbul etdi ki, buna da artıq hamımız öyrəşmişik”.

E. Məmmədli də digər həmkarları kimi futboldakı nəticələri bir o qədər də uğurlu saymır:


“"Qarabağ" ötən mövsüm Çempionlar Liqasında qrup mərhələsinə vəsiqə qazanmışdısa, bu dəfə Avropa Liqasında analoji uğuru təkrarladılar. Milli komandamız isə Millətlər Liqasında ümidləri doğrultmadı. Komandamız qrupda 2-ci yeri tutaraq, mübarizəni dayandırdı. İlin son ayının əsas hadisəsi isə Qurban Qurbanovun milli komandanın baş məşqçi postundan göndərilməsi oldu. Ümumilikdə, 2018-ci ildə Azərbaycan idmançılarının nəticələri qənaətbəxş sayıla bilər”.


2018-ci ilin Azərbaycan idmanı üçün o qədər də yaddaqalan uğurlarla əlamətdar olmadığını deyən Oxu.az-ın idman yazarı Səbuhi Musayev kütləviyi nəzərə alaraqq, öncə futbolun şərhindən başladı:


“Qurban Qurbanovun rəhbərliyi altında milli komandamız ilk dəfə gücünü Millətlər Liqasında sınadı. Ancaq komandamız ümidləri doğrulda bilməyib, qrupda qaldı. Nəticədə AFFA Qurban Qurbanovla heç bir il tamam olmamış yolları ayırdı. Onun digər komandası "Qarabağ" isə ümidləri qismən doğrultdu. Ötən mövsüm biz Çempionlar Liqasında "Qarabağ"ın oyunlarına baxmışdıqsa, bu dəfə nisbətən aşağı səviyyəli Avropa Liqasında onları seyr etməli olduq. Bununla belə, düşünürəm ki, "Arsenal" kimi İngiltərə, "Sportinq" kimi Portuqaliya nəhənginin Bakıya gətirilməsi də yerli azarkeşlər üçün maraqlı oldu. Ancaq Bakıda "Sportinq"ə 1:6 hesablı yenilgi futbol ictimaiyyətimizi çox üzdü.

Güləşdə yunan-Roma idmançısı Eldəniz Əzizlinin əvvəl Avropa, sonra dünya çempionu olması fərdi idman növlərində ən yaxşı nəticəmiz sayılmalıdır. Həmçinin ukraynalı legionerimiz İrina Zaretskayanın dünya çempionu olaraq həm öz ölkəsinin, həm də Azərbaycanın ilk qadın karateçisi kimi tarixə düşməsi maraqlı məqamdır. Üzücü məqamlardan biri kimi dünya şöhrətli karateçimiz Rafael Ağayevin beşinci dəfə dünya çempionu ola bilməməsi, ukraynalı güləşçimiz Mariya Stadnikin yenə finalda "yapon sindromu" ilə üzləşməsini qeyd edə bilərəm. Komanda yarışlarında qadın voleybol millimiz bizi Yaponiyadakı dünya çempionatında təmsil etdi. Ancaq komandamız istədiyimiz kimi çıxış edə bilmədi. Dünya çempionatı zamanı millimizin baş məşqçisi Faiq Qarayevin özünü pis hiss etməsi, Yaponiyada xəstəxanaya düşməsi və nəticədə millidən ayrılması vurğulanası məqamlardandır”.

Qol.az saytının redaktoru Aydın Bağırov da 2018-ci ildə futbol sahəsinin durumuna toxunub. O hesab edir ki, bu il Azərbaycan futbolu üçün mənfi nüanslarla yadda qaldı:


“2018-ci il futbol sahəsində uğursuz il kimi tarixə düşdü. Demək olar, müsbət dəyərləndirəcəyim heç nə yoxdur. İlk növbədə milli komandamızın Millətlər Liqasında uğursuz çıxışı baş tutdu. Biz gözləyirdik ki, komandamız ən azından final mərhələsinə vəsiqə qazanacaq, amma baş tutmadı.

Klub komandalarımızın Avropa Liqasındakı uğursuzluğunu da qeyd etməliyik. Düzdür, “Qarabağ” komandası Avropa Liqasının qrupuna düşə bildi. Amma ümumilikdə ötən illə müqayisədə bu il “Qarabağ” üçün də uğursuz olub.

Ölkə çempionatının səviyyəsi də bu il bir qədər aşağı düşdü. Futbolumuzdakı problemlər 2018-də də həll olunmamış qaldı. Bu il Qurban Qurbanovun Millinin məşqçi postundan vaxtından əvvəl istefaya göndərilməsini mənfi qiymətləndirirəm. Hesab edirəm ki, ona qarşı bu davranış bütün peşəkar və mənəvi qaydalardan uzaq idi. Azərbaycan futbolunda heç bir izi olmayan insanların Qurban Qurbanov kimi peşəkara sayğısız davranışı düzgün deyildi. O, Milli Komandada qalmalı, problemlərin həllini davam etdirməli idi. Bu məsələdə AFFA rəhbərliyi tərəfindən Qurban Qurbanova heç bir dəstək olunmadı”.


“İdman Azərbaycan” telekanalının şərhçisi Ramiz Mirzəzadə də
2018-ci ildə “Qarabağ”ın fəaliyyətinə diqqət çəkib:

“Bu komanda cari ildə də ölkəmizi beynəlxalq arenada uğurla təmsil etməyə çalışdı. Milli Komandamızın yeni baş məşqçi ilə uğursuzluğa düçar olması təbii ki, mənfi hal kimi yadda qaldı.

Digər idman növlərinə gəlincə, mənə görə bu il yenidən dirçəlmək yolunda olan cüdomuz əvvəlki reytinqini bərpa etməyə çalışdı.

Gənc və yeniyetmə güləşçilərimizin uğurlarını da unuda bilmərik. Böyüklərdə nə qədər durğunluq müşahidə olunsa da, gələcək vəd edən güləşçilərimiz ümidləri doğrultmağı bacardı. Məsələn, Eldəniz Əzizlinin dünya çempionu olması bu il güləş sahəsindəki uğurlardan biridir. Fikrimcə, ən uğurlu idman sahələri 2018-ci ildə də cüdo və güləş olaraq qaldı”.

Ölkəmizdə keçirilən beynəlxalq yarışlardan da danışan Ramiz Mirzəzadə “Formula 1” üzrə növbəti Azərbaycan Qran Prisini vurğulayıb:

“Bu da öz növbəsində paytaxtımızda keçiriləcən yarışın illik təqvimdəki ən baxımlı yarış kimi yadda qalaraq, təsdiqini tapdı”.

 


Aysel Aslan
Xəbərin müəllifi
xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Allahşükür Paşazadə İslam Əməkdaşlıq Təşkilatı ilə əməkdaşlığı müzakirə etdi
18.01.2019, 00:41

Allahşükür Paşazadə İslam Əməkdaşlıq Təşkilatı ilə əməkdaşlığı müzakirə etdi

Bölgələrdə  14 dərəcəyədək şaxta müşahidə olunur
18.01.2019, 00:22

Bölgələrdə  14 dərəcəyədək şaxta müşahidə olunur

Son 10 ilin ən güclü partlayışı törədildi
18.01.2019, 00:15

Son 10 ilin ən güclü partlayışı törədildi

İŞİD-lə savaş bitməyib
17.01.2019, 23:48

İŞİD-lə savaş bitməyib

“20 Yanvar faciəsini törədənlər cəzalandırılmalıdır” - Gürcü politoloq
17.01.2019, 23:33

“20 Yanvar faciəsini törədənlər cəzalandırılmalıdır” - Gürcü politoloq

Bakıda külək gücləndi:  Pirallahıda 43 m/s
17.01.2019, 23:17

Bakıda külək gücləndi:  Pirallahıda 43 m/s

Güclü külək Bakıda fəsadlar törətdi - FOTO
17.01.2019, 22:57

Güclü külək Bakıda fəsadlar törətdi - FOTO

İtkin düşən kapitanın axtarışı dayandırıldı
17.01.2019, 22:45

İtkin düşən kapitanın axtarışı dayandırıldı

Bakı-Sumqayıt qatarında sürət həddi endirildi
17.01.2019, 22:30

Bakı-Sumqayıt qatarında sürət həddi endirildi

Temperaturunun 10 dərəcə aşağı düşməsi fəsadlarla nəticələnə bilər
17.01.2019, 22:14

Temperaturunun 10 dərəcə aşağı düşməsi fəsadlarla nəticələnə bilər

Həmsədrdən sərt AÇIQLAMA: “Avropa İttifaqı-Azərbaycan münasibətlərinə kölgə salmaq istəyirlər”
17.01.2019, 21:59

Həmsədrdən sərt AÇIQLAMA: “Avropa İttifaqı-Azərbaycan münasibətlərinə kölgə salmaq istəyirlər”

Süni intellekt texnologiyaları bazarının həcmi 52,5 milyard dollar olacaq
17.01.2019, 21:25

Süni intellekt texnologiyaları bazarının həcmi 52,5 milyard dollar olacaq

Qərargah son durumu AÇIQLADI: “Dalğanın maksimal hündürlüyü açıq dənizdə 9,3 metr olub”
17.01.2019, 21:08

Qərargah son durumu AÇIQLADI: “Dalğanın maksimal hündürlüyü açıq dənizdə 9,3 metr olub”

Benqal körfəzində güclü zəlzələ
17.01.2019, 20:57

Benqal körfəzində güclü zəlzələ

Azərbaycanda gündəlik hasilat 20 min barel azalacaq
17.01.2019, 20:44

Azərbaycanda gündəlik hasilat 20 min barel azalacaq

Bu sahələrdə e-qaimə-fakturaların tətbiqi 5 faizdən də aşağıdır
17.01.2019, 20:30

Bu sahələrdə e-qaimə-fakturaların tətbiqi 5 faizdən də aşağıdır

Xəzərdə dalğanın hündürlüyü 8.9 metrə çatıb
17.01.2019, 20:16

Xəzərdə dalğanın hündürlüyü 8.9 metrə çatıb

Ramil Usubov Yasamal və Səbailə rəis təyin etdi
17.01.2019, 20:04

Ramil Usubov Yasamal və Səbailə rəis təyin etdi

Üstünə reklam lövhəsi aşan şəxsin həyati təhlükəsi yoxdur - Səhiyyə Nazirliyi
17.01.2019, 20:02

Üstünə reklam lövhəsi aşan şəxsin həyati təhlükəsi yoxdur - Səhiyyə Nazirliyi

“Qarabağ münaqişəsinin həllinə dəstək artıb”
17.01.2019, 19:57

“Qarabağ münaqişəsinin həllinə dəstək artıb”

Sumqayıtda güclü külək binanın damını apardı
17.01.2019, 19:52

Sumqayıtda güclü külək binanın damını apardı

Finlandiyada erməni təxribatının qarşısı alınıb
17.01.2019, 19:21

Finlandiyada erməni təxribatının qarşısı alınıb

Ağstafada 2018-ci ilin hesabatı verildi
17.01.2019, 18:55

Ağstafada 2018-ci ilin hesabatı verildi

Prezident bu qurumları ləğv etdi - SİYAHI
17.01.2019, 18:52

Prezident bu qurumları ləğv etdi - SİYAHI

Bakıda elektrik dirəyi yük maşınının üzərinə aşıb - FOTO
17.01.2019, 18:45

Bakıda elektrik dirəyi yük maşınının üzərinə aşıb - FOTO

Prezident MTRŞ-ya 3 milyon manat ayırdı
17.01.2019, 18:27

Prezident MTRŞ-ya 3 milyon manat ayırdı

İlham Əliyevdən Cəlil Məmmədquluzadənin yubileyi ilə bağlı SƏRƏNCAM
17.01.2019, 18:10

İlham Əliyevdən Cəlil Məmmədquluzadənin yubileyi ilə bağlı SƏRƏNCAM

Fərəh Əliyevadan TƏKLİF: “Dissertasiyaların müdafiəsi prosesi sadələşdirilməlidir”
17.01.2019, 18:01

Fərəh Əliyevadan TƏKLİF: Dissertasiyaların müdafiəsi prosesi sadələşdirilməlidir

“Böyük İpək Yolu” 20 yanvar faciəsini andı -  FOTOLAR
17.01.2019, 17:55

Böyük İpək Yolu 20 yanvar faciəsini andı -  FOTOLAR

Ekologiya Nazirliyi: Bakıda külək 40 m/s-dək şiddətlənib   
17.01.2019, 17:50

Ekologiya Nazirliyi: Bakıda külək 40 m/s-dək şiddətlənib  

Azərbaycan alimlərinin II Qurultayının vaxtı dəqiqləşdi
17.01.2019, 17:43

Azərbaycan alimlərinin II Qurultayının vaxtı dəqiqləşdi

Tarix İnstitutunda AMEA-nın yaranması tarixi araşdırılır
17.01.2019, 17:40

Tarix İnstitutunda AMEA-nın yaranması tarixi araşdırılır

Bakı Metropoliteni güclü qar və şaxtaya hazır olduğunu bəyan etdi
17.01.2019, 17:35

Bakı Metropoliteni güclü qar və şaxtaya hazır olduğunu bəyan etdi

Manat və dolların məzənnəsi dəyişdi?
17.01.2019, 17:16

Manat və dolların məzənnəsi dəyişdi?

Berluskoni siyasətə qayıdır
17.01.2019, 16:57

Berluskoni siyasətə qayıdır

Ramil Usubov əməliyyat müşavirəsində tələb irəli sürdü   
17.01.2019, 16:56

Ramil Usubov əməliyyat müşavirəsində tələb irəli sürdü  

Rəsulzadənin barelyefini oğurlayanlar tutuldu - Modern.az-ın ictimailəşdirdiyi HADİSƏ - FOTO
17.01.2019, 16:53

Rəsulzadənin barelyefini oğurlayanlar tutuldu - Modern.az-ın ictimailəşdirdiyi HADİSƏ - FOTO

Əhalinin sülhə hazırlanması nə deməkdir? - Xarici İşlər Nazirliyindən Qarabağ AÇIQLAMASI   
17.01.2019, 16:45

Əhalinin sülhə hazırlanması nə deməkdir? - Xarici İşlər Nazirliyindən Qarabağ AÇIQLAMASI  

Azərbaycanlı rejissorun iki filmi 72-ci Kann film festivalında iştirak edəcək
17.01.2019, 16:25

Azərbaycanlı rejissorun iki filmi 72-ci Kann film festivalında iştirak edəcək

Huner Group-dan əla fürsət!
17.01.2019, 16:06

Huner Group-dan əla fürsət!

Məşhur idmançını öldürənlərə hökm oxundu
17.01.2019, 16:01

Məşhur idmançını öldürənlərə hökm oxundu

Tarixçi-deputat: “Nəsiminin məzarının Hələbdə qalmasının tərəfdarıyam”
17.01.2019, 15:40

Tarixçi-deputat: “Nəsiminin məzarının Hələbdə qalmasının tərəfdarıyam”

Azercell ilə rominqdə onlayn ol
17.01.2019, 15:34

Azercell ilə rominqdə onlayn ol

Ekologiya Nazirliyi: Bakıda küləyin sürəti 30 m/s, Sumqayıtda 40 m/s-ə çatır
17.01.2019, 15:32

Ekologiya Nazirliyi: Bakıda küləyin sürəti 30 m/s, Sumqayıtda 40 m/s-ə çatır

Avropa İttifaqı Nümayəndəliyinin müvəqqəti işlər vəkili Gəncədədir
17.01.2019, 15:30

Avropa İttifaqı Nümayəndəliyinin müvəqqəti işlər vəkili Gəncədədir

Yaqub Zurufçu ABŞ və Kanada turnesindən qayıdıb
17.01.2019, 15:28

Yaqub Zurufçu ABŞ və Kanada turnesindən qayıdıb

4700,3 mln. manat profisit yaranıb – Maliyyə Nazirliyi
17.01.2019, 15:22

4700,3 mln. manat profisit yaranıb – Maliyyə Nazirliyi

Hərbçi yoldaşını güllələyən erməni əsgər saxlanılıb
17.01.2019, 15:21

Hərbçi yoldaşını güllələyən erməni əsgər saxlanılıb

Bakı Dövlət Universitetində istedadlı bir oğlan var idi...   
17.01.2019, 15:04

Bakı Dövlət Universitetində istedadlı bir oğlan var idi...  

20 Yanvarın “açılmayan gülləsi” - Primakov Allahşükür Paşazadəyə hakimiyyəti ələ almağı niyə təklif etmişdi? - TARİX
17.01.2019, 14:53

20 Yanvarın “açılmayan gülləsi” - Primakov Allahşükür Paşazadəyə hakimiyyəti ələ almağı niyə təklif etmişdi? - TARİX

ARXİV