Modern.az

Deputatın oğlu turistləri DÖYÜB?

Deputatın oğlu turistləri DÖYÜB?

8 Yanvar 2019, 15:54

Bu gün bəzi mətbuat orqanları Lerikin deputatı İqbal Məmmədovun oğlu Mirhəmid Məmmədovun dekabrın 31-də “Relax” istirahət mərkəzində dava saldığı barədə məlumat yayıb.

 

Qeyd edilib ki, deputatın oğlu bayram günlərində tətil etmək məqsədilə “Relax”da olub və orada istirahət edən iki iranlı ilə dalaşıb. İddia olunur ki, deputatın oğlu butulka ilə iranlının birinin başına zərbə endirib, digərini isə möhkəmcə döyüb.

 

Milli Məclisin 78 saylı Lerik seçki dairəsindən deputatı İqbal Məmmədov Modern.az-a açıqlamasında məlumatı təkzib edib.

 

Deputat bildirib ki, bayram günlərində özü də “Relax”da olub və yayılan məlumat həqiqətəuyğun deyil:

 

“Mən özüm də orada olmuşam, ailəvi bayramı rayonda qeyd etmişik. Oğlum heç kəslə dalaşmayıb və deyilənlər yalandır. Əgər belə bir şey olubsa, hüquq-mühafizə orqanları var. Özbaşınalıq deyil ki, kimsə kimisə döysün. Oğlum Türkiyədə təhsil alır. Bayramı bizimlə keçirdikdən sonra yenidən Türkiyəyə qayıdıb”.

Youtube
Kanalımıza abunə olmağı unutmayın!
Keçid et
Paşinyan Qazaxa gəldi - Ermənilər üzərinə hücum çəkdi