Modern.az

OPEK 2019-cu ildə Azərbaycanda neft hasilatı üzrə proqnozları açıqladı

OPEK 2019-cu ildə Azərbaycanda neft hasilatı üzrə proqnozları açıqladı

21 Yanvar 2019, 20:50

2019-cu ildə Azərbaycanda neft hasilatı həcmi ötənilki səviyyədə qalacaq və orta hesabla 0,8 milyon barel/sutka təşkil edəcək. Modern.az “Trend”ə istinadən xəbər verir ki, bu barədə OPEK-in yanvar hesabatına istinadən məlumat verir.

 

Hesabatda qeyd olunur ki, Energetika Nazirliyinin məlumatlarına əsasən Azərbaycanda 2018-ci ildə orta hesabla 792 min barel/sutka neft və kondensat hasil olunub ki, bu da 2017-ci ilin göstəricisindən 2 faiz çoxdur.

 

İlkin statistik məlumatlara əsasən, 2018-ci ilin dekabrında ölkədə neft hasilatı 27 barel azalaraq 0,71 milyon barel/sutka təşkil edib. Azalmaya səbəb “Azəri-Çıraq-Günəşli” neft-qaz yataqları blokunda hasilatın müvəqqəti dayandırılması olub.

 

Hesabatda o da qeyd olunub ki, 2018-ci ildə Azərbaycanda maye karbohidrogenlərin hasilatı dəyişməz olaraq – 0,8 milyon barel/sutka həcmində qalıb. 2019-cu ildə də eyni həcmdə hasilat proqnozlaşdırılır:

 

“Proqnozlara əsasən, 2019-cu ilin birinci yarısında Azərbaycanda maye karbohidrogen hasilatı sutkada 20 min barel azalaraq orta hesabla 0,79 milyon barel/sutka təşkil edəcək. İlin ikinci yarısında isə hasilatın 0,81 milyon barel/sutka təşkil edəcəyi gözlənilir”.

Twitter
Sizə yeni tvit var
Keçid et
Rusiyada ağır döyüşlər: Ukrayna partizanları əraziləri bombalayır