Modern.az

Amerikalı konqresmenlərin azərbaycanlı dostu - Cavid Hüseynov kimdir?  

Amerikalı konqresmenlərin azərbaycanlı dostu - Cavid Hüseynov kimdir?   

24 Yanvar 2019, 11:11

Söhbətimə ABŞ-ın 28-ci prezidenti Vilsonun 28 May 1919-cu ildə Paris sülh konfransından sonra söylədiyi sözlərlə başlamaq istəyirəm. O, Topçubaşovun rəhbərlik etdiyi Azərbaycan nümayəndə heyəti ilə gürüşündən məmnun olduğunu belə ifadə etmişdi - "Mənim söhbət etdiyim insanlar eynən mənim kimi düşünur və mənim kimi eyni ideyalara - hürriyyət, hüquq və azadlığa hörmət bəsləyirlər"…

Yüksək intelektli insanlarla ünsiyyətdə olmaq həm asan və həm də çətindir. Asandır ona görə ki, onlar səni rahat başa düşürlər. Çətinliyi isə ondadır ki, onları dəqiq anlamağa çalışırsan.

Haqqında danışdığım Cavid Hüseynov süni intelekt üzrə mütəxəsisdir. Necə deyərlər, zəkası, savadı yüksək səviyyədədir…

O, 1976-ci ildə Bakı şəhərində dünyaya gəlib. 8-ci sinfə qədər 20 nömrəli məktəbdə, sonra isə İncəsənət Gimnaziyasında oxuyub. 1992-ci ildə oranı bitirərək İnşaat Muhəndisləri İnstituna qəbul olunub. 1995-ci ildə beynəlxalq mübadilə proqramı xətti ilə ABŞ-ın Rochester Texnalogiya İnstitutunda təhsilini davam etdirib. 1996-cı ildə bakalavr, 1998-ci ildə birinci dəfə mühəndis və idarəetmə ixtisası, 1999-ci ildə isə ikinci dəfə kompüter elmləri üzrə magistr dərəcələrinə yiyələnib. 
1999-cu ildə İrven şəhərindəki Kaliforniya Universitetinin doktoranturasına qəbul olunub. 2008-ci ildə orada kompüter elmləri üzrə fəlsəfə doktoru alimlik dərəcəsinə yiyələnib. 

Eyni zamanda, 2002-ci ildən məşhur "General Monitors" şirkətinə kompüter mühəndisi kimi işə götürülüb. 2015-ci ilədək bu vəzifədə çalışıb. Sonra, bir il Konektikut ştatında "ESPN" şirkətində işləyib.

2016-cı ildən Nyu York ştatında ilk kompüteri istehsal edən "İBM" şirkətində süni intelektin biznesə tətbiq olunması üzrə mütəxəsis və qrup rəhbəri vəzifəsində çalışır. Bu sahə, dünya şöhrətli həmyerlimiz Lütfi Zadənin işlədiyi sahədir…

Deyir ki, "Lütfi Zadə ilə ilk dəfə Oriqon şatatında süni intelekt üzrə keçirilən illik konfransda görüşdüm. Çalışdığımız sahəyə aid söhbətimiz oldu. Azərbaycanlı olduğumu biləndə çox sevindi. Sonralar onu da azərbaycanlılarla bağlı tədbirlərimizə cəlb edə bildim, maraqlı çıxışlarını hələ də xatırlayıram"…

...Azərbaycan naminə xeyli işlər görüb. 2006-cı ildə Tomas Qolts da daxil olmaqla bir neçə soydaşımızla "Amerika Azərbaycanlıları Şurası"nı təsis ediblər. 2006-cı ildə Los Anceles, Kaliforniya, 2007-ci ildə Kaliforniya- Berkli, 2008-ci ildə İrvin, 2009-cu ildə Nyu Yorkdakı Kalumbiya universitetlərində Amerikadakı azərbaycanlı tələbələrin konfranslarını keçiriblər. Corc Vaşinqton, Kalumbiya universitetlərində isə Qarabağ həqiqətləri ilə bağlı tədbirləri təşkil ediblər…

2007-2011-ci illərdə beş il ardıcıl fevral ayında, bir sıra nüfuzlu universitetlərdə Xocalı soyqrımına həsr olunmuş tədbirlərin təşkilatçılarından olub… 

Deyir ki, "Burada yaşayan soydaşlarımıza daha faydalı olmaq üçün, gərək amerikalılara qaynayıb-qarışasan. Onların inzibati idarələrində yer tutmağı bacarmalısan. Bunun üçün isə işləmək, etibar qazanmaq lazımdır"...

2013-2015-ci illərdə Kaliforniya Demokratlar Partiyasının idarə heyətinin üzvü, 2014-2015-ci illərdə Fauntin Valli şəhərinin planlaşdırma komitəsinin 5 üzvündən biri olub. Hazırda Nyu Cersi ştatının Hakensak şəhərinin planlaşdırma komitəsinin üzvüdür. 2013-2015-ci illərdə həm də "Türk Amerkan Cəmiyəti"ndə təmsil olunub. 

2012-ci ildən "Amerikanın Acərbaycan Cəmiyyəti"nin icraçı direktorudur…

…Həyat yoldaşı azərbaycanlıdır. İki qızları var, biri 16, o birisi isə 2 yaşındadır. Hər ikisi ana dilində sərbəst danışır. Böyük qızı Aydan istedadlı yeniyetmədir, yaxşı rəsmlər çəkir. Fransada Luvr muzeyində keçirilən "ART Şou"da Əsmər Nərmanbəyovaya ayrılan hissədə Aydanın da rəsmləri sərgilənib…

…Amerika siyasətinin nümayəndələri və bəzi konqresmenlərlə dostluq edir. Deyir ki, "Amerkalıların belə bir kəlamı var - "Əgər bu ölkədə yaşayırsansa, sən bu ölkənin yaxşı vətəndaşı olmalısan"…

İllər ötəcək, bəlkə də ABŞ Konqresində bir azərbaycanlı kimi təmsil olunan ilk konqresmen o, olacaq…


Elman Eldaroğlu,
ABŞ, Miçiqan

 

Instagram
Gündəmdən xəbəriniz olsun!
Keçid et
Son dəqiqə- Paşinyan Qazaxın Əskipara kəndinə gəldi