Bu gün Azərbaycanın xarici işlər naziri Elmar Məmmədyarov İrana rəsmi səfərə gedib. Modern.az-ın məlumatına görə, bu barədə Xarici İşlər Nazirliyinin mətbuat xidmətindən bildirilib. Birgünlük səfər çərçivəsində keçiriləcək görüşlərdə Azərbaycan ilə İran arasında ikitərəfli əlaqələrin inkişaf perspektivləri, regional əməkdaşlıq, Xəzərin hüquqi statusunun müəyyənləşdirilməsi və digər məsələlər müzakirə olunacaq.
Bundan əlavə, Azərbaycan-İran hökumətlərarası komissiyanın həmsədri kimi, E.Məmmədyarov bu komissiyanın fəaliyyəti ilə bağlı müzakirələr aparacaq.
