Son günlər Gürcüstanın işğal edilmiş ərazilərində gömrük-keçid məntəqələrinin açılması ilə bağlı məlumatlar yayılmaqdadır.
Modern.az xəbər verir ki, Gürcüstanın xarici işlər naziri Davit Zalkaniani yayılan məlumatlara bağlı bəyanat yayıb.
Bəyanatda deyilir: “Bu rus mediası və oponentlərimiz tərəfindən yayılan növbəti dezinformasiyadır və yayılan məlumatın həqiqətlə heç bir əlaqəsi yoxdur”.
Hakim “Gürcü arzusu” partiyasında təmsil olunan azərbaycanlı deputat Ruslan Hacıyev Modern.az-a açıqlamasında məsələlərin provokasiya xarakterli olduğunu deyib.
“Azərbaycanlı deputat olaraq bildirmək istərdim ki, son günlərdə heykəl gərginliyindən irəli gələrək provokasiyalar çoxalıb. Hər kəsi provokasiya xarakterli məlumatlardan uzaq olmağa dəvət edirəm”.