Arxiv
2 Fervral 2019, 14:11 | MEDİA
Aynur Camalqızı jurnalistikaya gəlişinin səbəbini ad günündə açıqladı - MÜSAHİBƏ  

7 fevral “Teleqraf Holdinq”in rəhbəri Aynur Camalqızının doğum günüdür. Tanınmış jurnalist doğum günü təəssüratlarını Modern.az-la bölüşüb. 

- Aynur xanım, sizin üçün xüsusi olan bu gündə əhval-ruhiyyəniz necədir?

- Səhər tezdən Facebook mənə ad günüm münasibətilə qısa video göndərib. Videoda son illərin yadda qalan məqamları, şəkillər, dostlarla birlikdə yaşadığımız xoş günlər əks olunub. Baxdıqca xatirələr gözümün qarşısına gəldi, həddindən artıq təsirləndim. Sosial şəbəkələrin bu cür müsbət məqamlarını yüksək qiymətləndirirəm. İnsanın unutduğu maraqlı məqamları, uğurlarını, ötən illərdəki xoş əhval-ruhiyyələrini, çəkilən rəsmləri yadına salır. Bu, həddindən artıq gözəl hislərdir.

Bu gün, hər il ad günümdə olduğu kimi, çoxsaylı təbriklər alıram. İnsanların sevgisini, sayğısını hiss etmək məni çox təsirləndirir. Demək ki, hədər yaşamırsan, nələrsə edə bilmisən və edə bilirsən.

Hər il qeyd etdiyimiz ad günləri həm də yaşadıqlarımızıdüşünməyimiz, öz-özümüzə hesabat verməyimiz üçün məqamdır. Bütün həyatını hesablamasan da, ən yaxın keçmişi götür-qoy edirsən. Təbii ki, xatırladıqda səhvlərin, yanlışlarınla bərabər, uğurlu, düzgün addımların da hafizəndə canlanır. Səhvsiz insan yoxdur və əlbəttə, səhvlər edirik. Ancaq öz-özünə hesabat verəndə düzgün saydığın, uğurlu addımların üstünlük təşkil edirsə, bu, ad günündə ən böyük hədiyyəndir. Bax, bu gün doğum günümdə belə əhval-ruhiyyədəyəm.

- Necə keçirəcəksiniz ad gününüzü?

- Bilirsiniz, övladlarım azyaşlıdır. Artıq neçə gündür mənim ad günümə hazırlaşırlar. Düzdür, ad günlərini xüsusi qeyd etməyi xoşlamıram. Amma çox güman ki, onların xətrinə evdə süfrə açacaq, ailəmlə, dostlarımla bir yerdə bu günü qeyd edəcəyik. Qızlarım mənim üçün maraqla şəkillər çəkiblər, hədiyyələr, sürprizlər hazırlayıblar. Sözün düzü, özüm də onların sürprizlərini görmək üçün səbirsizlənirəm.

- Yəqin ki, indiyə qədər keçirdiyiniz ən maraqlı ad gününüz də yaddaşınızdadır?

- Facebook-un göndərdiyi xatirələri izlədikcə gördüm ki, mənim ən maraqlı ad günlərim elə öz kollektivimin əhatəsində keçirdiklərimdir. 2012-ci ildən bu günə qədər, demək olar, hər il “Gündəlik Teleqraf”ın ofisində kollektivin diqqətini görürəm. Bir yerdə tort kəsirik, deyib-gülür, şəkillər çəkdiririk. Onlarla olan xatirələrim, ad günü təbrikləri elə ən xoş xatirələrimdir.

- Uzun illərdir, jurnalistikada öz sözünüzü demisiniz, imzanızı təsdiq etmisiniz. Jurnalistikanın həyatınızdakı önəmini düşündükdə, hansı hissə qapılırsınız?

- Əslində jurnalistikanın həyatımdakı yerini hər gün xatırlayıram. Jurnalistika ən yaxşı bacardığım, ən sevdiyim işdir. Özümü mediadan kənarda təsəvvür edə bilmirəm. Jurnalistika mənim həyat tərzimdir. Təbii ki, bu sahədə uğurlarım var. Buna görə Allaha, müəllimlərimə, bu yolda mənə dəstək olan dostlarıma çox minnətdaram.

Düşünürəm ki, jurnalistika adi həyat tərzi deyil, təsəvvür ediləndən daha maraqlıdır. Yalnız özün üçün yaşamırsan. Cansıxıcı, adi, monoton həyat keçirmirsən. Tamam fərqli şəkildə, günlərin informasiyaların bolluğunda keçir. Hər zaman oyaq olmalısan, sanki səngərdəsən kimi xidmət etməlisən. Məhz buna görə, jurnalist həyatı həddindən artıq çətin, amma uğurları çox olan, cazibədar bir həyatdır.


- Biz sizə başda can sağlığı olmaqla, ən gözəl arzuları, ən xoş diləkləri çatdırırıq. Bəs doğum gününüzdə özünüz özünüzə nə arzu edirsiniz?

- Özümə Qarabağı arzulayıram. Allah qismət etsin ki, torpaqlarımız işğaldan azad olunsun. Ən başlıca istəyimin bu olmasının da xüsusi səbəbi var. Mənim jurnalistikaya, ümumiyyətlə, ictimai-siyasi sferaya gəlməyimin başlıca səbəbi Qarabağ məsələdir. Bəlkə də bu problem olmasaydı, mən fərqli həyat yolu seçərdim. Özüm bu ağrıdan yaranmışam. Ona görə ən böyük arzum elə Qarabağın azadolunması, insanların öz-yurd yuvalarına qayıtmasıdır. Qaçqınlar, məcburi köçkünlər uçub, dağılmış evlərini bərpa etsinlər, çoxdandır getmədikləri doğmalarının məzarlarını ziyarət etsinlər. Şuşanı görsünlər, Cıdır düzünə qalxsınlar. Bundan gözəl xoşbəxtlik ola bilməz. İnanıram ki, Tanrı bizi bununla mükafatlandıracaq.

BU KATEQORİYADAN OLAN DİGƏR XƏBƏRLƏR
+ Arxiv
Ərzurum Atatürk Universitetinin professorları ADAU-da 20 Aprel 2019, 17:58 Belarus Rusiya neftinin keyfiyyətindən narazıdır 20 Aprel 2019, 17:52 Alman eksperti: Sarkisyan hakimiyyəti aprel müharibəsinə görə itirdi 20 Aprel 2019, 17:37 Binəqədidə qadın meyiti tapılıb 20 Aprel 2019, 17:20 Gəncə sakini dəm qazından zəhərləndi 20 Aprel 2019, 17:01 Seçenov Universitetinin Bakı filialında “Açıq qapı” günü keçirilib 20 Aprel 2019, 16:53 Yasin Sabancı Universitetinin tam bursunu qazanmayıb, sadəcə...   20 Aprel 2019, 16:38 “Bakıda Soyqırımı muzeyi yaradılsın!” - Deputat ÇAĞIRIŞ ETDİ 20 Aprel 2019, 16:31 Kadırovdan Zelenskinin üzr istəməsinə reaksiya 20 Aprel 2019, 16:21 Azərbaycan kinosunun “qaynanası” 103 yaşında - FOTOLAR 20 Aprel 2019, 16:04 Şabranda 2576 it, 24019 iribuynuzlu heyvan… 20 Aprel 2019, 15:49 Keçmiş prezidentin intihar məktubu yayıldı 20 Aprel 2019, 15:43 Zakir Həsənov Türkiyə tərəfinə başsağlığı verib 20 Aprel 2019, 15:24 Ərdoğan Binəli Yıldırıma yeni vəzifə verəcək – AÇIQLAMA 20 Aprel 2019, 15:01 “Ayaks”ın büdcəsinə milyonlar axır 20 Aprel 2019, 14:50 Gənc futbolçumuz "Seltik"in transfer hədəfində 20 Aprel 2019, 14:49 Qaramalın piroplazmoz xəstəliyindən necə qorunmalı? 20 Aprel 2019, 14:47 Sabaha olan HAVA PROQNOZU 20 Aprel 2019, 14:45 Ölkə ərazidində müşahidə olunan faktiki hava şəraiti açıqlanıb 20 Aprel 2019, 14:31 ABŞ səfiri XİN rəhbərlərinin mümkün görüşününü alqışlayır 20 Aprel 2019, 14:22 Ruh da cövlan edərmiş 20 Aprel 2019, 14:19 Gözlər yoldan yığılarmı... - XV YAZI 20 Aprel 2019, 14:15 “Zəif Ukrayna rəhbərliyi Azərbaycan üçün əlverişli deyil” – Deputatların seçki GÖZLƏNTİSİ 20 Aprel 2019, 13:59 Baş Nazir “Orfoqrafiya qaydalarına dəyişiklikləri təsdiqlədi - Bu sözlərin yazılışı dəyişdi - SİYAHI 20 Aprel 2019, 13:40 Azercell İT mütəxəsissləri üçün təlimlərə başladı 20 Aprel 2019, 13:31 Gənc Prezidentlər Təşkilatının nümayəndələri Azərbaycanda - FOTOLAR 20 Aprel 2019, 13:22 Heydər Əliyevin tanımadan təşəkkür etdiyi tikinti rəhbəri 20 Aprel 2019, 13:22 Qaret Beyl mövsüm sonu Madriddən gedəcək 20 Aprel 2019, 13:13 Əfsanəvi Raqif Orucova həsr olunmuş “Komandir”in təqdimatı oldu - VİDEO 20 Aprel 2019, 13:09  “Aprel fədailəri” yad olundu 20 Aprel 2019, 13:08