Bu gün Hacıqabul Sənaye Məhəlləsində Azərbaycanın “Azərmaş” şirkətinin Rusiyanın “Qaz Qrup” şirkəti ilə birgə həyata keçirdiyi layihə üzrə kommersiya və xüsusi təyinatlı avtomobillərin istehsalı zavodunun təməlqoyma mərasimi keçirilib.

Modern.az xəbər verir ki, tədbirdə Azərbaycanın iqtisadiyyat naziri Şahin Mustafayev, Azərmaş" ASC-nin İdarə Heyətinin sədri Emin Axundov, Rusiyanin iqtisadi inkişaf naziri Maksim Oreşkin “Qaz Qrup” şirkətinin iştirak ediblər.

Zavodda kiçik tonnajlı avtomobillərin istehsalı nəzərdə tutulur. Tədbirdə bildirilib ki, sənayə məhəlləsində zavodun tikintisi 2020-ci ilin ortalarında yekunlaşdırılması nəzərdə tutulub. Dəyəri 14 milyon manat olan zavodun illik istehalı 1000 avtomobil təşkil edəcək. İlkin mərhələdə zavodda 100 nəfər işlə təmin olunacaq. Sonra nazirlər zavodda istehsal edilməsi nəzərdə tutulan avtomobil modelləri ilə və Hacıqabul Sənaye Məhəlləsində sahibkarlar üçün yaradılmış şəraitlə tanış olublar. Xüsusi təyin atlı

Zavodda Qazel, Qazel Biznes Qazel, Qazel Next və xüsusi təyinatlı texnikalar istehsal olunacaq. Qeyd edək ki, ötən ilin aprel ayında Rusiyanın “QAZ” ASC və Azərbaycanın “Azərmaş” ASC arasında kiçiktonnajlı avtomobillərin Azərbaycanda yığılmasına dair uzunmüddətli əməkdaşlıq haqqında Memorandum imzalanıb, noyabr ayında isə avtomobil zavoduna Hacıqabul Sənaye Məhəlləsinin iştirakçısı statusunu təsdiq edən şəhadətnamə verilib.

Hacıqabul Sənaye Məhəlləsində avtomobil istehsalı zavodunun qurulması köməkçi sənaye istehsalı və xidmət sahələrinin inkişafı üçün də əlverişli imkan yaradır. Xatırladaq ki, hazırda Neftçala Sənaye Məhəlləsində “Azərmaş” ASC və “İran Khodro” şirkəti birgə “Xəzər” avtomobillərini istehsal edir.