Hava limanında iki təyyarə toqquşub. Modern.az xarici mediaya istinadən xəbər verir ki, hadisə Vnukovo aeroportunda qeydə alınıb. Hadisə iki təyyarə yedəyə alma zamanı baş verib. "Azur Air” aviaşirkətinin Boinq-767 layneri "Rusiya” təyyarəsinin göyərtəsinə çırpılıb.
İlkin məlumata görə, təyyarələrdən birinin sağ vinqleti, digərinin isə stabilizatoru zədələnib.
İnsident nəticəsində xəsarət alan olmayıb. Hadisənin səbəbi araşdırılır.