Ermənistanda müəmmalı əsgər ölümlərini araşdırmaq üçün xüsusi komissiya yaradılacaq.
Modern.az Ermənistan KİV-nə istinadən xəbər verir ki, İstintaq Komitəsi və 10 ictimai təşkilat bu barədə razılaşma əldə edib.
Razılaşmaya əsasən, yaradılacaq İşçi Qrup müəmmalı şəraitdə ölən 100-dən artıq hərbçinin cinayət işinə yenidən baxacaq.
Belə ki, 1991-ci ildən başlayaraq, ordudakı korrupsiya, özbaşnalıq, kriminal atmosfer və hərc-mərclik nəticəsində əsgərlər arasında çoxsaylı qeyri-döyüş itkiləri qeydə alınıb. Lakin əsgər analarının bu ölümlərlə bağlı etirazları hər dəfə hakimiyyətin etinasızlığı ilə üzləşib.