Modern.az

“Azərsu” Abşeronda kanalizasiya sistemi qurur (FOTOLAR)

“Azərsu” Abşeronda kanalizasiya sistemi qurur (FOTOLAR)

8 Dekabr 2011, 16:41

“Azərsu” Acıq Səhmdar Cəmiyyəti Abşeron yarımadasında yaşayış məntəqələrinin kanalizasiya sisteminin yaxşılaşdırılması və Xəzər dənizinin ekologiyasının daha yaxşı qorunması istiqamətində kompleks tədbirləri davam etdirir.
“Azərsu” ASC-nin Mətbuat xidməti və ictimaiyyətlə əlaqələr şöbəsinin məlumatına görə,

Abşeron rayonunun Novxanı qəsəbəsindən Sumqayıt şəhərinə qədər olan ərazilərdə çirkab suların Xəzər dənizinə axıdılmasının qarşısını almaq üçün yeni layihə həyata keçirilir. İcrasına 2011-ci ilin ikinci yarısında başlanmış layihəyə əsasən bu ərazidən dənizə axıdılan çirkab suları toplanaraq Sumqayıt şəhərinin cənubunda tikiləcək yeni təmizləyici qurğuya axıdılacaq. Bu məqsədlə dəniz sahili boyunca 6 km-dən artıq diametri 1000 mm olan GRP (şüşəlifli) və polietilen borulardan ibarət kanalizasiya xətti çəkilib. Layihəyə uyğun olaraq xətlərin çəkilişi 2012-ci ilin əvvəlində başa çatdırılacaq. Bundan başqa toplanan tullantı suların çirkab sutəmizləyici qurğuya axıdılması üçün marşrut boyunca  3 ədəd təzyiqli nasos stansiyası tikilir. Sumqayıt şəhərinin cənubunda məhsuldarlığı sutkada 100 min kubmetr olan bioloji çirkab sutəmizləyici qurğunun inşasına isə 2012-ci ilin əvvəlində başlanacaq.

Qeyd edək ki, layihə başa çatdıqdan sonra ərazidəki istirahət mərkəzlərinin, həmçinin Novxanı qəsəbəsinin və bağ massivlərinin tullantı sularının birbaşa dənizə axıdılmasının qarşısı tam alınacaq.

       
           
  

Modern.az

Whatsapp
Bizə yazın!
Keçid et
Ukraynadan Rusiyaya ardıcıl zərbələr: Vəziyyət kritikdir