25 mart 2019, Bazar ertəsi
Ana Səhifə - MƏDƏNİYYƏT - Martın 20-də Xalq artisti Valeh Kərimovun 75 illik yubileyidir!
Martın 20-də Xalq artisti Valeh Kərimovun 75 illik yubileyidir! +
11.03.2019, 08:26

50 ilə qədər ciddi, dramatik rollar oynadı, 

ancaq xalq tərəfindən daha çox MOŞU kimi tanınıb-sevildi.


Ustalıqla yaratdığı rolları bəyənərək, Ulu öndər Heydər Əliyevin "Xalq artisti" fəxri adı verdiyi, İlham Əliyevin Prezident təqaüdünə layiq gördüyü görkəmli aktyor...


(O, Azərbaycanda yeganə aktyordur ki, vikipediyada öz adı ilə təqdim olunmaqla yanaşı xüsusi olaraq qeyd edilib: "digər adı - Moşu")


Valeh Kərimov 1944-cü il mart ayının 20-də Cənubi Azərbaycanın Miyana şəhərində dünyaya gəlib. 1969-cu ildə M.A. Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirdikdən sonra aktyor taleyini həmişəlik olaraq H.Ərəblinski adına Sumqayıt Dövlət Dram Teatrı ilə bağlayıb. 1990-cı ildə "respublikanın Əməkdar artisti", 10 il sonra isə - 2000-ci ildə "Azərbaycanın Xalq artisti" fəxri adına layiq görülüb. Prezident təqaüdçüsüdür. 1990-cı ildən Azərbaycan Teatr Xadimləri İttifaqının üzvüdür.


O, Sumqayıt Teatrının fəaliyyətə başladığı elə ilk illərdəcə ustalıqla yaratdığı Zaur ("Yadındamı?", A.Məmmədov), Fəxrəddin ("Müsibəti-Fəxrəddin", N.B.Vəzirov), Balaş ("Sevil", C.Cabbarlı), Hamlet ("Hamlet" mono-tamaşası, V.Şekspir) və digər rolları ilə sumqayıtlıların böyük rəğbətini, məhəbbətini qazanmışdı. Təsadüfi deyildi ki, obrazların daxili aləmini, keçirdikləri hiss və duyğuları teatrsevərlərə yüksək sənətkarlıqla çatdıra bildiyindən həmin tamaşalar uzun müddət teatrın repertuarında qalmış, dəfələrlə həm Sumqayıtda, həm də respublikanın digər şəhər və rayonlarında, hətta qonşu Dağıstanda, Gürcüstanın Borçalı mahalında, o cümlədən - Marneuli, Qardabani, Bolnisi, Dmanisi, Zəngəzurun Qafan və digər rayonlarında uğurla nümayiş etdirilmişdi. 

Məhz Valeh Kərimovun bir vaxtlar Teatrın digər istedadlı aktyorları - Hacı Xəlilov, Kamil Məhərrəmov, Vaqif Əliyev, Həsən Qara, Məzahir Süleymanov, Sevil Məhərrəmova, Elmira Həşimova, Əlibala Nurəliyev, Afaq Bəşirqızı, Şahmar Qəribli, Hidayət Ələkbərov, Səmayə Sadıqova, Kazım Abdullayev, Nadir Xasiyev, Xanlar Muradov, Kübrabəyim Əliyeva, Əjdər Həmidov, Sabir Məmmədov, Hicran Mehbalıyeva, Ulduzə Nəsirova, Tofiq Bayramov, Yasəmən Məmmədova və digərləri ilə birgə oynadığı tamaşalar Sumqayıt Teatrının respublikanın ən yaxşı mədəniyyət ocaqlarından biri kimi tanınmasında mühüm rol oynamışdır.

Valeh Kərimov Teatrda çalışdığı 45 ildən artıq bir dövrdə Ağakişi Kazımov, Mərahim Fərzəlibəyov, Yusif Əkbərov, Firudin Məhərrəmov kimi rejissorların quruluş verdiyi tamaşalarda 100-dən çox maraqlı səhnə obrazları yaratmışdır. Onların əksəriyyətində - M.F.Axundovun "Lənkəran xanının vəziri" (Vəzir), S.S.Axundovin "Tamahkar" (Hası Murad), Y.Əzimzadənin "Nəsrəddin" (Nəsrəddin), G.Xuqayevin "Elbrus evlənir" (Elbrus, Albadam), İ.Coşğunun "Komsomol poeması" (Gəray bəy), N.Qoqolun "Müfəttiş" (Xlestakov), N.Hikmətin "Demoklisin qılıncı" (Komisyonçu), Anarın "Adamın adamı" (İbiş İbişli), M.Lermontovun "Maskarad" (Sprixt), M.F.Axundovun "Müsyo Jordan və dərviş Məstəli şah" (Qonaq), C.Cabbarlının "Vəfalı Səriyyə" (Məhərrəm), Molyerin "Skapenin kələkləri" (Silvestr), R.N.Güntəkinin "Bir gecəlik ər" (Hilmi), Ə.Qiyasın "Qarışqa yuvası" (Qafar), R.İsmayılovun "Ülviyyə" (Qədim) və s. tamaşalarda baş və digər əsas rollar məhz Valeh müəllimə tapşırılırdı. 
Sənətə gəldiyi ilk illərdən bütün varlığı aktyor coşqunluğu ilə qaynayıb-daşan Valeh Kərimov öz istedad və bacarığı sayəsində Azərbaycanın korifey sənətkarları ilə tərəf-müqabil olmaq şərəfinə də nail olmuş, böyük hörmət bəslədiyi görkəmli aktyorlarla eyni səhnədə bir-çox maraqlı obrazlar yaratmışdır. Onun məşhur teatr və kino ustası Rza Əfqanlının Rüstəm bəyi ilə ("Müsibəti-Fəxrəddin", N.B.Vəzirov) birgə səhnəyə çıxartdığı Fəxrəddini, Məlik Dadaşovun böyük dövlət xadimi Nəriman Nərimanovun rolunu oynadığı tamaşada ("Bütün Şərq bilsin!", N.Həsənzadə) xalqımızın unudulmaz şairi Məhəmməd Hadinin ustalıqla canlandırdığı obrazı, Əliağa Ağayevin Kərəmovu ilə ("Toy" komediyası, S.Rəhman) "atışan" Surxayı (ilk vaxtlar isə kütləvi səhnələrdə yaratdığı, əslində əsərdə olmayan, lakin hər dəfə böyük alqışlarla qarşılanan, özünün "uydurub" səhnəyə çıxartdığı Dəllək obrazı) Valeh Kərimovun zəngin aktyor yaradıcılığının ən yaddaqalan, gözəl, parlaq nümunələrindəndir. 

Valeh Kərimov həm də Azərbaycanın ən çox sevilən aktrisalarından olan Xalq artisti Barat Şəkinskaya ilə də iki tamaşada baş rolların ifaçıları kimi tərəf-müqabil olmuşdur. Şair-dramaturq Adil Babayevin "Mənim məhəbbətim" səhnə əsərində görkəmli sənətkar Hicran xanım, Valeh isə Nadir rolu ilə dəfələrlə tamaşaçılar qarşısına çıxaraq, alqışlarla qarşılanmışlar. 

H.Cavid və C.Cabbarlı əsərlərini çox sevərək, yüksək dəyərləndirən, onların parlaq nümunəsində teatr sənətini, dramaturgiyanı çox gözəl, dərindən bilən istedadlı aktyor həm də rejissorluğa meyl edərək, doğma teatrın səhnəsində bir-neçə əsərə quruluş vermişdir. Onlardan ilk olaraq 1974-cü ildə (sonradan təkrar olaraq 1993-cü ildə) səhnələşdirdiyi "Tamahkar" (S.S.Axundov) - "Gəl qohum olaq" (1997, İ.Məlikzadə), "Sehrli yaylıq" (2000, K.Həsənov), "Lotereya" (2003, M.Moyame) və s. xüsusilə diqqətəlayiqdir. Onu da qeyd etmək lazımdır ki, Valeh Kərimov Qarabağ müharibəsinin getdiyi dövrlərdə vaxtaşırı hərbi hissələrdə, cəbhə bölgələrində olmuş, yaratdığı "Cavid" Teatrı aktyorlarının və özünün iştirakilə oynanılan "Gəl qohum olaq" tamaşası ilə əsgərlərimizə xoş ovqat, nikbin ruh bəxş etmişdir. 

Maraqlıdır ki, əsasən özünün ciddi, faciəvi-dramatik rolları ilə sumqayıtlıların sevimlisinə çevrilmiş Valeh Kərimov bir çox komik rollarda da oynayaraq, istedadlı bir aktyor kimi geniş ampluaya malik olduğunu göstərə bilmişdir. Onun Elbrusu, Albadamı ("Elbrus evlənir"), Xlestakovu ("Müfəttiş"), İbiş İbişlisi ("Adamın adamı"), Hilmisi ("Bir gecəlik ər") və s. bu qəbildən olan rollardır. 

Aktyora daha böyük şöhrət gətirən, bütün xalqımıza, həm də Türkiyədə və MDB-nin müsəlman ölkələrində sevdirən rolu isə, əlbəttə, onun görkəmli şair-dramaturq Vaqif Səmədoğlunun "Bəxt üzüyü" tamaşasındakı Moşu rolu olmuşdur. Əvvəlcə Sumqayıt Dövlət Dram Teatrında istedadlı rejissor Yusif Əkbərov tərəfindən (heyf ki, 67 yaşında dünyadan köçən o bacarıqlı rejissor Mədəniyyət Nazirliyinin diqqətindən kənarda qaldı, ona heç "Əməkdar artist" adı da verilmədi) 1986-cı ildə səhnələşdirilən həmin əsər Xalq artistləri Valeh Kərimovun və Afaq Bəşirqızının iştirakı ilə rekord sayda - 150 dəfədən də çox tamaşaçılara göstərildikdən sonra 1991-ci ildə tanınmış aktyor və rejissor, Xalq artisti Ramiz Əzizbəyli tərəfindən özünün uğurlu ekran həyatına qədəm qoydu. Filmin tezliklə kassetlərə köçürülməsi onun Amerikada, Avropa ölkələrində və xüsusilə də Rusiyada, Ukraynada, Orta Asiya ölkələrində yaşayan həmvətənlərimiz arasında daha geniş yayılmasına səbəb oldu. İnformasiya texnologiyalarının yüksək sürətlə inkişaf etdiyi son illərdə isə hər kəs həmin filmə istədiyi vaxt tamaşa etmək imkanı qazanmışdır. Və qətiyyətlə demək olar ki, "Bəxt üzüyü" Azərbaycan kinematoqrafiyasının ən uğurlu, on milyonlarla tamaşaçısı olan bir filmidir. Bu uğurun əsasında isə, heç şübhəsiz ki, sevimli sənətkarlarımız Valeh Kərimovun (Moşu) və Afaq Bəşirqızının (Söylü bacı) böyük ustalıqları, obrazları xarakterik və orijinal şəkildə, çox təbii və ustalıqla yaratmaq xüsusiyyətləri, istedadları dayanır. 

Onu da qeyd etmək vacibdir ki, Valeh Kərimov teatrla yanaşı kino sahəsində də uğurla fəaliyyət göstərir. O, indiyədək 10-dan yuxarı tam və qısametrajlı filmlərdə maraqlı, düşündürücü obrazlar yaratmışdır. 1980-ci ildə çəkilmiş iki seriyalı "Anlamaq istəyirəm" filmindən xeyli sonra - 1991-ci ildə "Bəxt üzüyü" filminə çəkilən sənətkar həm də "Pəncərə" (1991), "Yerlə göy arasında" (1999), "Bağdada putyovka var..." (2000), "Mən sənin dayınam" (2001), "Gəl qohum olaq" (2001), "Hərənin öz payı+tayı" (2006), "Balqabaq" (2007), "100 kağız" (2015) filmlərinə və "Bəxt üzüyü - 2" (2017) versiyasına da çəkilmişdir.

"Bağdada putyovka var..." filmindəki Qürbət və "Hərənin öz payı+tayı" filmindəki Seyfi obrazı ilə Valeh Kərimov tamaşaçı qarşısına tanıya bilmədiyimiz, tamam başqa xarakterdə, düşündürücü rolları ilə çıxdı. Qürbət də, Seyfi də sadə, qəlbi təmiz adamlardır və Valeh müəllim hər ikisinin obrazını yüksək sənətkarlıqla, onların daxili aləminə tam nüfuz etməklə, Valehlikdən tam çıxaraq, həqiqətən Qürbət, Seyfi olmaqla yarada bilib. 
Bəli, Moşu kimi "xoşbaxtlığ"a qafiyə tapa bilməsə də, Valeh Kərimov sənətdə öz xoşbəxtliyini tamamilə tapıb. Milyonlarla tamaşaçının sevdiyi aktyor, əlbəttə ki, xoşbəxtdir!


P.S. Ancaq milyonların sevdiyi bu sənətkarı nədənsə yalnız 1-2 nəfər, özü də milyonlardan utanmadan, abır-həya eləmədən gözdən salmağa çalışır. Yoxsa Sumqayıt Teatrında 45 il can qoyaraq, onun dayaq sütunlarından birinə çevrilmiş belə bir görkəmli aktyorun adının Teatrın 50 illik - yarım əsrlik yubileyində tədbirin lap sonunda, həm də ötəri çəkilməsini, belə əlamətdar bir gündə nəinki layiq olduğu "Şöhrət" ordeninə, heç adicə fəxri fərmana da layiq görülməməsini necə başa düşmək olar? Əvvəllər bütün təqsirlər mədəniyyət nazirinin keçmiş müavini Ədalət Vəliyevdə görülürdü. Bəs, indi, onun vəzifədə olmadığı bir vaxtda Nazirlikdə kimdir bu istedadlı, görkəmli sənətkarın, eləcə də digər Xalq artisti Məzahir Süleymanovun qarşısına "şlaqbaum" çəkənlər?

 
Rəhman Orxan


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Bağdadi ilə bağlı yeni iddia
25.03.2019, 00:37

Bağdadi ilə bağlı yeni iddia

“Bizim ayıblarımızı diktatura rejimi örtürmüş” - Brilliant Dadaşova, VİDEO
25.03.2019, 00:28

“Bizim ayıblarımızı diktatura rejimi örtürmüş” - Brilliant Dadaşova, VİDEO

Azərbaycanın rəqibləri xal qazandı
25.03.2019, 00:01

Azərbaycanın rəqibləri xal qazandı

“Qırmızı Körpü”də külli miqdarda siqaret və kürü tutuldu
24.03.2019, 23:40

“Qırmızı Körpü”də külli miqdarda siqaret və kürü tutuldu

Fəhlə Oğuzda işlədiyi tikintidə öldü
24.03.2019, 23:23

Fəhlə Oğuzda işlədiyi tikintidə öldü

Rusiya Qazaxıstana şans vermədi
24.03.2019, 23:01

Rusiya Qazaxıstana şans vermədi

NATO baş katibi  Gürcüstanda
24.03.2019, 22:44

NATO baş katibi  Gürcüstanda

Goranboyda azyaşlının üstünə qaynar su töküldü
24.03.2019, 22:20

Goranboyda azyaşlının üstünə qaynar su töküldü

“Taliban”ın hücumu nəticəsində 10 hərbçi öldü
24.03.2019, 22:03

“Taliban”ın hücumu nəticəsində 10 hərbçi öldü

“Azərbaycan köçkünlərin Qarabağa qayıdışına dair sülhün imzalanacağına ümid edir” – İcma sədri
24.03.2019, 21:37

“Azərbaycan köçkünlərin Qarabağa qayıdışına dair sülhün imzalanacağına ümid edir” – İcma sədri

Rumıniya İsraildəki səfirliyini Qüdsə köçürür
24.03.2019, 21:15

Rumıniya İsraildəki səfirliyini Qüdsə köçürür

“Neftçi”nin çempion olacağı barədə mənə heç nə deyilməyib” – Qurban Qurbanov
24.03.2019, 21:01

“Neftçi”nin çempion olacağı barədə mənə heç nə deyilməyib” – Qurban Qurbanov

Hakim partiya İstanbulda izdihamlı mitinq keçirdi
24.03.2019, 20:46

Hakim partiya İstanbulda izdihamlı mitinq keçirdi

Finlandiyada Novruz bayramı qeyd edildi - FOTO
24.03.2019, 20:34

Finlandiyada Novruz bayramı qeyd edildi - FOTO

Bakıda dənizdə batan şəxs xilas edildi
24.03.2019, 20:19

Bakıda dənizdə batan şəxs xilas edildi

Eldar Sabiroğlu təcili Türkiyəyə aparıldı
24.03.2019, 20:02

Eldar Sabiroğlu təcili Türkiyəyə aparıldı

Gözlər yoldan yığılarmı... - XII YAZI   
24.03.2019, 19:47

Gözlər yoldan yığılarmı... - XII YAZI  

Millimizin baş məşqçisi: “Bizi bu sensasiyadan cəmi 10 dəqiqə ayırdı”   
24.03.2019, 19:31

Millimizin baş məşqçisi:Bizi bu sensasiyadan cəmi 10 dəqiqə ayırdı”  

Keçmiş məhkumlar Əli İnsanovun başına toplaşdılar - FOTO  
24.03.2019, 19:19

Keçmiş məhkumlar Əli İnsanovun başına toplaşdılar - FOTO  

Deputatlar QHT sədri ola, qrant ala bilməz? - Hüquqşünas AYDINLIQ GƏTİRDİ   
24.03.2019, 19:03

Deputatlar QHT sədri ola, qrant ala bilməz? - Hüquqşünas AYDINLIQ GƏTİRDİ  

Mixail Saakaşvilinin partiyasına yeni sədr seçildi   
24.03.2019, 18:54

Mixail Saakaşvilinin partiyasına yeni sədr seçildi  

Mir Şahinin 1 yaşlı “Real”ı
24.03.2019, 17:27

Mir Şahinin 1 yaşlı “Real”ı

Finlandiya XİN rəhbərinə hücum etmək istəyiblər
24.03.2019, 17:25

Finlandiya XİN rəhbərinə hücum etmək istəyiblər

Gürcüstanda yaşayan azərbaycanlı icra başçısı vəzifəsinə namizəddir
24.03.2019, 17:09

Gürcüstanda yaşayan azərbaycanlı icra başçısı vəzifəsinə namizəddir

Azərbaycan və BP Aral dənizində geoloji kəşfiyyat işlərinə başlaya bilərlər
24.03.2019, 17:02

Azərbaycan və BP Aral dənizində geoloji kəşfiyyat işlərinə başlaya bilərlər

Bakıdan gedən qatarı bəy-gəlin qarşıladı - Fotolar
24.03.2019, 16:06

Bakıdan gedən qatarı bəy-gəlin qarşıladı - Fotolar

Əli İnsanov: “Cənab prezident! Qarşınızda xəcalət çəkirəm” - MÜRACİƏT
24.03.2019, 15:44

Əli İnsanov: “Cənab prezident! Qarşınızda xəcalət çəkirəm” - MÜRACİƏT

Ermənistanda analar oğullarını Qarabağa göndərmək istəmirlər - ETİRAZ
24.03.2019, 15:38

Ermənistanda analar oğullarını Qarabağa göndərmək istəmirlər - ETİRAZ

Postsovet məkanından olan 3 veteran terrorçunu ölüm haqladı
24.03.2019, 15:35

Postsovet məkanından olan 3 veteran terrorçunu ölüm haqladı

Məşhur meyxanaçı Aydın Xırdalanlı dəfn edildi
24.03.2019, 15:22

Məşhur meyxanaçı Aydın Xırdalanlı dəfn edildi

Almaniyalı alim: “Erməni konyakını əslində Tovuzda yaşayan almanlar yaradıb”
24.03.2019, 14:47

Almaniyalı alim: Erməni konyakını əslində Tovuzda yaşayan almanlar yaradıb

Nazarbayev yenidən prezident ola bilər
24.03.2019, 14:36

Nazarbayev yenidən prezident ola bilər

Qəzaya uğrayan gəmidən 338 nəfər təxliyə edilib
24.03.2019, 14:30

Qəzaya uğrayan gəmidən 338 nəfər təxliyə edilib

"Ola bilsin, Allah Trampı İsraili xilas etmək üçün göndərib..."
24.03.2019, 14:19

"Ola bilsin, Allah Trampı İsraili xilas etmək üçün göndərib..."

Türkiyədə hərbçilər qəzaya uğrayıb, ölən və yaralananlar var
24.03.2019, 13:47

Türkiyədə hərbçilər qəzaya uğrayıb, ölən və yaralananlar var

Hava yenə PİSLƏŞƏCƏK – Bakıda yağış, bölgələrə qar yağacaq
24.03.2019, 13:20

Hava yenə PİSLƏŞƏCƏK – Bakıda yağış, bölgələrə qar yağacaq

Çin Pakistana 2,1 milyard dollar kredit verir
24.03.2019, 13:12

Çin Pakistana 2,1 milyard dollar kredit verir

Zakir Həsənov ABŞ-a gedir
24.03.2019, 13:03

Zakir Həsənov ABŞ-a gedir

Füzulidə qatarla minik avtomobili toqquşub, ölən var 
24.03.2019, 12:10

Füzulidə qatarla minik avtomobili toqquşub, ölən var 

Təbii fəlakətdə ölənlərin sayı 732-yə çatdı
24.03.2019, 11:43

Təbii fəlakətdə ölənlərin sayı 732-yə çatdı

Prezident İlham Əliyev yunanıstanlı həmkarını təbrik edib
24.03.2019, 11:29

Prezident İlham Əliyev yunanıstanlı həmkarını təbrik edib

Azərbaycan bu ölkə ilə viza müqaviləsi imzaladı
24.03.2019, 11:04

Azərbaycan bu ölkə ilə viza müqaviləsi imzaladı

ABŞ-da atışma: 1 ölü, 3 yaralı
24.03.2019, 10:49

ABŞ-da atışma: 1 ölü, 3 yaralı

Qəbələdə yaşayış evində partlayış: 4 nəfər xəsarət alıb
24.03.2019, 10:35

Qəbələdə yaşayış evində partlayış: 4 nəfər xəsarət alıb

Atəşkəs 23 dəfə pozulub
24.03.2019, 10:14

Atəşkəs 23 dəfə pozulub

Bu gün Avro-2020-nin 10 oyunu keçiriləcək - TƏQVİM   
24.03.2019, 10:05

Bu gün Avro-2020-nin 10 oyunu keçiriləcək - TƏQVİM  

İndoneziyada 6 bal gücündə zəlzələ
24.03.2019, 09:55

İndoneziyada 6 bal gücündə zəlzələ

Bəndin dağılması zamanı ölənlərin sayı 212-yə çatıb
24.03.2019, 09:50

Bəndin dağılması zamanı ölənlərin sayı 212-yə çatıb

Bu yol Qarabağın Ermənistana birləşdirilməsinə aparır
24.03.2019, 09:42

Bu yol Qarabağın Ermənistana birləşdirilməsinə aparır

Avro 2020 yolunda növbəti matçlar - NƏTİCƏLƏR
24.03.2019, 09:29

Avro 2020 yolunda növbəti matçlar - NƏTİCƏLƏR

ARXİV