Göyçay rayonunun mərkəzində bayram günü faciəvi hadisə baş verib.
Modern.az xəbər verir ki, Göyçay sakinlərinin sosial şəbəkələdə yaydığı məlumata görə, hadisə bayram günü - martın 20-də rayon mərkəzindəki Nərimanov küçəsində yaşanıb.
Rayon sakini, 1996-cı il təvəllüdlü Kərimov Akif Asif oğlu piyada səkisində hərəkət edərkən “Oskar” marketin qarşısındakı irigövdəli çinar ağacının qurumuş budaqlarından biri qəflətən qoparaq onun başına düşüb.
O, ağır kəllə-beyin travması alaraq huşunu itirib. Çoxlu qan itirən Akif Kərimov yaxınlıqdakı insanların köməyi ilə təcili olaraq Göyçay rayon Mərkəzi Xəstəxanasına göndərilib, lakin yolda dünyasını dəyişib.