İŞİD-in qeyri-rəsmi mətbuat orqanı postsovet məkanından olan üç cihadçının ölümü barədə xəbər yayıb.

Virtualaz.org Rusiya mətbuatına istinadən xəbər verir ki, həlak olanlardan biri İŞİD-in yüksək rütbəli komandiri olub. Öz silahdaşları arasında o, Adam Şişani kimi tanınsa da, əsl adı Adam Qumanaşvilidir.

“Directorate 4” kanalının verdiyi informasiyaya əsasən, o, İŞİD-in Qafqaz batalyonunun tərkibində Suriyada və İraqda bütün iri döyüşlərdə iştirak edib. Çoxsaylı təsdiqedici məlumatlara görə, Qumanişvili cihadçılar arasında Umar əş-Şişani kimi tanınmış, əslində İŞİD-in “müharibə naziri” sayılan Tarxan Bataraşvili ilə yaxın olub. Ölüm cihad veteranı, ən azı 2015-ci ildən bəri “Əl-Əksa” batalyonunun tərkibində vuruşmuş Əbu Hurayra Şişanini də haqlayıb. Beynəlxalq koalisiyanın endirdiyi aviazərbələr nəticəsində “Əl-Əksa” şəxsi heyətinin təxminən 90 faizini itirib.

Postsovet məkanından çıxan üçüncü həlak olmuş cihadçı haqqında yalnız bu məlumdur ki, onun cihadçı adı Müslüm Şişani olub. Müslüm Suriya ərazisində döyüşüb.