Səhiyyə Nazirliyi İctimai Səhiyyə və İslahatlar Mərkəzindəki vakant yerlərin tutulması üçün müsabiqə elan olunub. Modern.az nazirliyin mətbuat xidmətinə istinadən xəbər verir ki, müsabiqə mərkəzin 6 şöbəsindəki 10 vakant həkim metodist yerini əhatə edir. Qeyd edək ki, Səhiyyə Nazirliyi bir müddət öncə yeni yaradılan Respublika Perinatal Mərkəzindəki vakant vəzifələrin tutulması üçün də müsabiqə elan edib. Nazirlikdən saytımıza bildirilib ki, həmin müsabiqəyə qatılmaq istəyənlərdən sənəd qəbulu dekabrın 7-də başlayıb və 2010-cu il yanvarın 7-də başa çatacaq. Bu mərkəzdə 290 boş iş yeri var.
