Dünya şöhrətli müğənni Uitni Hyuston 48 yaşında qəflətən dünyasını dəyişib. Hələlik ulduz sənətçinin nədən öldüyü müəyyənləşməyib.
Müğənninin meyiti üzərində zorakılıq əlamətləri aşkar edilmədiyindən polis Uitni Hyustonun öldürülməsi ehtimalını istisna edir.
Həm səsi, həm də gözölliyi ilə "musiqi dünyasının altun qızı" və "pop musiqinin kraliçası" olarak tanınan Uitni Hyustonun son illərdə özünü narkotik bataqlığından qurtara bilmədiyi bilinir.
Dünyanın ən çox ödül alan qadın sənətçisi kimi Ginnessin Rekordlar Kitabına düşən, Gremmi mükafatlı müğənninin meneceri Kristen Foster Hyustonun ölüm səbəbinin araşdırıldığını deyib.
Uitni Hyuston dünya şöhrətini 1980-90 illərdə qazanıb. O, ABŞ estradasının ən uğurlu ulduzu sayılırdı. Hyuston “Mühafizəçi”, “Keşişin həyat yoldaşı”, “Fasiləni gözləyərək” filmlərində baş rolları ifa edib.
Modern.az
