Xarici İşlər Nazirinin (XİN) əməkdaşları arasında intelektual oyun üzrə çenpiyonat keçiriləcək. Bu barədə Modern.az-a XİN-nin mətbuat xidməti məlumat verib.
Nazirlikdən bildirilib ki, fevralın 19-da XİN-nin əməkdaşları arasında “Nə? Harada? Nə zaman?” intellektual oyunu üzrə birinci çempionat keçiriləcək. Çempionatda iştirak etmək üçün XİN-nin əməkdaşlarından ibarət 8 komanda artıq qeydiyyatdan keçib. Hər komanda 5 və 6 nəfərdən təşkil olunub.
XİN-də bu tipli intellektual oyunlar mütəmadi olaraq keçirilməkdədi. Bu məqsədlə XİN-də “Diplomat” İntellektual Klubu da təsis edilib.
Artıq ikinci dəfədir ki, klub tərəfindən XİN əməkdaşları arasında çempionat keçirilir.
Qeyd edək ki, bundan öncə ötən ilin 9 may tarixində Şahmat Klubunda XİN üzrə birinci “Breyn Rinq” intellektual oyunu təşkil edilib.
Modern.az