Bu gün Dağıstanın Mahaçqala şəhəri ətrafındakı dəmiryolunda bomba aşkar olunub. Modern.az xəbər verir ki, hadisə nəticəsində şimal istiqamətdə hərəkət edən bütün sərnişin qatarları dayandırılıb. Eləcə də Bakı – Kiyev qatarı da dayanıb. Rusiya Federal Təhlükəsizlik Xidmətinin Dağıstan İdarəsinin məlumatına görə, hazırda mina axtaranlar dəmiryolunda partlayıcıların zərərsizləşdirilməsi işini həyata keçirir. Bakı - Kiyev qatarının 1 saat ləngiyəcəyi bildirilib.
