Bəhreyndə populyar “Formula 1” avtomobil yarışının keçirilməsinə qarşı ölkənin müxtəlif yerlərindəki mitinqlər başlanıb. Modern.az Fars agentliyinə istinadən bildirir ki, mitinq iştirakçıları rejimin Bəhreyn xalqına qarşı törətdiyi cinayətlər davam etdiyi bu ağır vaxtda guya heç nə olmamış kimi yarışın Bəhhreyndə keçirilməsinə etiraz ediblər.
Ölkənin müxtəlif bölgələrində keçirilən aksiyalarda “Formula 1” yarışının adı “Formula Qan” adı ilə əvəzlənib. Mitinqçilər hesab edirlər ki, beynəlxalq yarışın Bəhreyndə keçirilməsinin əliqanlı xəlifə rejiminə dəstək mahiyyəti daşıyır və bu ölkədə vəziyyətin kifayət qədər sakit olduğu təəssüratı yaratmaq məqsədi güdür.