MAQATE-nin baş direktoru Yukio Amano aprelin 18-19-da Erməniistana səfər edəcək. Modern.az bildirir ki, bu barədə Ermənistanın Enerji və Təbii Ehtiyatlar Nazirliyi məlumat yayıb. Görüş çərçivəsində Amano Serj Sərkisyanla, baş nazir Tiqran Sərkisyanla və XİN başçısı Edvard Nalbandyanla görüşəcək. MAQATE rəsmisi Metsamor AES-ə də gedəcək.
Xatırladaq ki, Azərbaycan dəfələrlə yüksək səviyyədə Metsamor AES-in region üçün təhlükə yaratdığını bildirib və onun bağlanmasını tələb edib.