Rabitə və İnformasiya Texnologiyaları Nazirliyi, Heydər Əliyev Fondu, Təhsil Nazirliyi və AMEA-nın İnformasiya Texnologiyaları İnstitutunun birgə təşkilatçılığı ilə 17 may Dünya Telekommunikasiya və İnformasiya Cəmiyyəti Gününə həsr olunan “Ali məktəb tələbələri arasında İnformatika üzrə VII Ümumrespublika Olimpiadası” yekunlaşıb.
Modern.az-ın məlumatına görə, olimpiadanın ilk mərhələsində respublikanın 15 ali təhsil müəssisəsindən 45 komanda (hər komandada 3 nəfər) iştirak edib.
Olimpiadanın ikinci (final) mərhələsinə 4 ali təhsil müəssisəsindən 12 komanda vəsiqə qazanıb.
Qafqaz Universiteti – 10 komanda (7 komanda – final mərhələsinə vəsiqə qazanıb);
Azərbaycan Dövlət Neft Akademiyası – 8 komanda (1 komanda – final mərhələsinə vəsiqə qazanıb);
M. V. Lomonosov adına Moskva Dövlət Universitetinin Bakı filial – 5 komanda (1 komanda – final mərhələsinə vəsiqə qazanıb);
Bakı Dövlət Universiteti – 5 komanda (3 komanda – final mərhələsinə vəsiqə qazanıb);
Gəncə Dövlət Universiteti – 4 komanda;
Azərbaycan Texniki Universiteti – 3 komanda;
Naxçıvan Dövlət Universiteti – 2 komanda;
Sumqayıt Dövlət Universiteti – 1 komanda;
Milli Aviasiya Akademiyası – 1 komanda;
Azərbaycan Müəllimlər İnstitutunun Sumqayıt filialı – 1 komanda;
Azərbaycan Müəllimlər İnstitutunun Mingəçevir filialı – 1 komanda;
Azərbaycan Müəllimlər İnstitutunun Şəki filialı – 1 komanda;
Mingəçevir Politexnik İnstitutu – 1 komanda;
Azərbaycan Müəllimlər İnstitutu – 1 komanda;
Lənkəran Dövlət Universiteti – 1 komanda.
Olimpiadanın final mərhələsi 29 aprel 2012-ci il tarixində AMEA-nın İnformasiya Texnologiyaları İnstitutunda keçirilib.
Müsabiqədə I, III, IV yerləri Qafqaz Universitetinin komandaları qazanıb.
Ümumi nəticələr:
|
|
|
|
| 1 | Qafqaz Programmers | Qafqaz Universiteti |
| 2 | Norbet | Bakı Dövlət Universiteti |
| 3 | Baku Qafqaz U 3 | Qafqaz Universiteti |
| 4 | Baku Qafqaz U 7 | Qafqaz Universiteti |
| 5 | Baku Qafqaz U 4 | Qafqaz Universiteti |
| 6 | Qafqaz Şahinləri | Qafqaz Universiteti |
| 7 | Baku Qafqaz U 9 | Qafqaz Universiteti |
| 8 | 3 Gb | M. V. Lomonosov adına Moskva Dövlət Universitetinin Bakı filial |
| 9 | Baku Qafqaz U 5 | Qafqaz Universiteti |
| 10 | Baku SU 2 | Bakı Dövlət Universiteti |
| 11 | Sirus 4 | Azərbaycan Dövlət Neft Akademiyası |
| 12 | Baku SU 4 | Bakı Dövlət Universiteti |
Olimpiadada ilk 4 yerə layiq görülən komandalar “Azerfon” və “BestComp Group” şirkətlərinin təqdim etdiyi qiymətli hədiyyələrlə mükafatlandırılacaqlar.
Modern.az
