Tələbə Qəbulu üzrə Dövlət Komissiyasının mətbuat xidmətindən Modern.az-a verilən məlumata görə, mayın 6-da keçirilən sınaq imtahanlarının nəticələri açıqlanıb. Sınaq imtahanlarının nəticələri TQDK-nın rəsmi internet saytına yerləşdirilib: (//www.tqdk.gov.az/sinaq2012netice/)
Qeyd edək ki, sınaq imtahanları ölkənin 29 şəhərində - Bakı, Naxçıvan, Gəncə, Sumqayıt, Göygöl, Qazax, Şamaxı, Mingəçevir, Şəki, Qax, Oğuz, Bərdə, Ağcabədi, Göyçay, Ucar, Şirvan, Lənkəran, Astara, Yardımlı, Cəlilabad, Quba, Xaçmaz, eyni zamanda Naxçıvan Muxtar Respublikasının Kəngərli, Babək, Ordubad, Sədərək, Culfa, Şərur və Şahbuz rayonlarında ümumilikdə 47 binada təşkil olunub.
Sınaq imtahanlarında iştirak edən abituriyentlər nəticələri məlumatı mobil telefonla “İmtahancell” (Azercell nömrələrindən), “Cavab” (Bakcell nömrələrindən) və “Imtahan-info” (NAR Mobile) xidmətləri vasitəsilə də öyrənə bilərlər.
Modern.az
