Ukraynada Azərbaycan diasporunun tanınmış simalarından olan 34 yaşlı İqbal Mahmudov öldürülməsi ilə bağlı araşdırma işləri aparılır. Diasporla İş Üzrə Dövlət Komitəsinin mətbuat xidmətinin rəhbəri Bəhruz Nəzərovun Modern.az-a verdiyi məlumata görə,Ukrayna Azərbaycanlıların Konqresi bu məsəlini diqqətdə saxlayır.
”Hazırda Ukrayna hüquq- mühafizə orqanları araşdırma işlərini davam etdirir. Hələki qətlin kim tərəfindən törədilməsi barədə heç bir məlumat yoxdur, bunun üçün əməliyyat tədbirləri aparılır. Hal-hazırda qətli törədən şəxsin şəxsiyyətini müəyyənləşdirliməsi, qətlin motivləri istiqamətində işlər görülür. Diasporla iş üzrə Dövlət Komitəsi olaraq, bu məsələ bizim də diqqətimizdədir. Çalışırıq ki, cinayətkarlar tez bir zamanda aşkar olunsun”/
Komitə rəsmisi bildirib ki, mərhumun cənazəsinin vətənə gətirlməsi ilə bağlı işlər gedir.
“Cənazə bu günə-sabaha, həftənin sonuna kimi vətənə gətiriləcək və mərhum doğma torpağında dəfn olunacaq. İqbal Mahmudovun ölümü Ukraynadakı Azərbaycan diasporu üçün böyuk bir itkidir. İqbal Mahmudov diasporumuzn çox fəal üzvlərindən biri idi və təbii ki, bu bizim üçün böyük bir itkidir”.
Xatırladaq ki, Donetsk Azərbaycanlıları Konqresinin sədri İ.Mahmudov mayın 9-da Makiyevka şəhərində Böyük Vətən müharibəsi veteranları ilə görüşdə 2 naməlum şəxsin açdığı atəş nəticəsində qətlə yetirilib.
Nihadə Eyyubova