Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası ölkədə elektron hökumətə keçid layihəsinin tələblərinə uyğun olaraq, öz fəaliyyətini, eləcə də QHT-lərin həyata keçirdiyi layihələrin icrasını, onların nəticələrini www.cssn.gov.az və www.qhtxeber.az saytlarında daim işıqlandırır. Həmçinin, Şuranın elan etdiyi maliyyə yardımı müsabiqələri haqda bütün məlumatlar – elanlar, sənəd nümunələri, ekspertiza və qiymətləndirmə prosedurları, müsabiqələrin nəticələri, hesabat formaları və fəaliyyətə aid digər mühüm sənədlər müvafiq qaydada internet resursları vasitəsilə ictimaiyyətə açıqlanır.