“Eurovision” Mahnı Müsabiqəsi 2009-un qalibi Aleksandr Rıbak Bakıya gəlib. Modern.az-ın müsabiqənin rəsmi internet saytına istinadən verdiyi məlumata görə, Aleksandr Rıbak Heydər Əliyev Beynəlxalq Hava Limanından dərhal Müslüm Maqomayev adına Azərbaycan Dövlət Filarmoniyasına üz tutub və Norveç Krallığının milli bayramı - Konstitusiya günündə iştirak edib. Rıbak Filarmoniyada açıq hava altında keçirilən mərasimdə repertuarındakı musiqiləri səsləndirib. O, hər zamankı kimi bu dəfə də coşğu ilə qarşılanıb. Qalib ifaçı 57-ci Eurovision Mahnı Müsabiqəsinin keçirildiyi şəhərdə olmaqdan sevinc hissi duyduğunu deyib. O, səhnədəcə bütün təmsilçilərə uğurlar diləyib.
Anar RÜSTƏMOV