Daxili İşlər Nazirliyi Xətai prospektində yerləşən bazara bomba qoyan şəxslə bağlı məlumat yaydı. Nazirliyin mətbuat xidmətindən Modern.az-a verilən məlumata görə, iyunun 6-da saat 03.30 radələrində, naməlum şəxs "102 Zəng Mərkəzi"nə zəng edərək Xətai prospektindəki bazara bomba qoyulması barədə məlumat verib.
Hadisə ilə bağlı Nərimanov rayonu 18-ci Polis Bölməsi əməkdaşları tərəfindən müvafiq tədbirlər görülüb. Lakin məlumat təsdiqini tapmayıb. Yalan məlumat verdiyinə görə, Bakı şəhər sakini 26 yaşlı Ruslan Əsədov saxlanılıb.Modern.az