Birləşmiş Ərəb Əmirlikləri (BƏƏ) bu ölkənin qadınları ilk evlənən kişilərə 15 min dollara yaxın pul veriləcəyini vəd edir.
Modern.az xarici mətbuata istinadən xəbər verir ki, BƏƏ-də 30 yaşdan yuxarı ailə qurmamış 175 minə yaxın qadın var. Son statistikalara görə, 30 yaşdan yuxarı subay qadınların sayı evlilərə nisbətdə yüzdə altmışdır. Bu isə BƏƏ hökümətini müvafiq addım atmağa məcbur edib. Məlumata görə ölkədə 175 minə yaxın 30 yaşdan yuxarı olan subay qadının olmasının əsas səbəbi kişilərin əcnəbi vətəndaşlarla ailə qurması ilə bağlıdır. Çünki, BƏƏ-də qız evi oğlandan külli miqdarda başlıq pulu istəyir ki, buna da çoxunun imkanı çatmır.
