Azərbaycanın bir qrup yazıçısı İranda həbs olunan Azərbaycan şairlərinin azad edilməsi ilə bağlı Təbriz yazıçılarına müraciət edib. Modern.az-ın məlumatına müraciətdə deyilir:
Əziz qələm dostlarımız və qardaşlarımız!
Artıq iki aydır ki, Azərbaycan şairləri Fərid Hüseyn və Şəhriyar Hacızadə Təbrizdə heç bir əsas olmadan həbs olunaraq saxlanılır. Biz bu gəncləri yaxşı tanıyırıq və onların hər hansı bir casusluqla, yaxud narkotiklə məşğul olmalarına da inanmırıq. Bu gənclər Azərbaycanın istedadlı gəncləridir, onların taleyi bizi çox narahat edir. Biz Təbrizli qələm dostlarımızı, qardaşlarımızı oraya xoş məramla poeziya festivalına getmiş Fərid Hüseynlə Şəhriyar Hacızadənin taleyinə biganə qalmamağa çağırır, onların hüquqlarının qorunması uğrunda mübarizəyə qoşulmağa səsləyirik. İnanırıq ki, siz də Azərbaycan şairlərinin azadlığa buraxılmasında bütün səy və bacarıqlarınızı əsirgəməyəcək, şəxsi və ictimai əlaqələrinizdən istifadə edərək İran hökumətindən gənc qələm dostlarımızın hüquqlarını bərpa etməyi, onların azad edilib dərhal Azərbaycana dönməsini tələb edəcəksiniz. Biz İranın sağlam düşüncəli, saf əqidəli ziyalılarına inanır və ümid edirik ki, bizim haqq səsimizə və çağırışımıza hay verəcəklər.
Hörmətlə,
Bir qrup Azərbaycan yazıçıları:
Əlabbas
Kamran Nəzirli
Yaşar
Saday Budaqlı
Salam Sarvan
Aslan Quliyev
Kəmalə Abiyeva
Fəxri Uğurlu
Aqşin
Aysel Əlizadə
Eyvaz Zeynalov
Nəriman Əbdülrəhmanlı
Azad Qaradərili
Natiq Məmmədli
Akif Aşırlı
Elçin Mirzəbəyli
Aydın Xan
Dayandur Tağıyev
Avdı Qoşqar
Əhməd Oğuz
Mahmud Vəli
Zahir Əzəmət
Rəbiqə Namiqqızı
Sevinc Çılğın
Zaur Qəriboğlu
Sayman Aruz
Oqtay Hacımusalı
Cəlil Cavanşir
Həmrəylik göstərmək istəyən yazarlar üçün siyahı açıqdır.
