Milli Məclisin 2009-cu ilin payız sessiyası dövründəki fəaliyyəti nəticəsində müxtəlif sahələri əhatə edən mühüm əhəmiyyətli qanun və qərarlar qəbul edilib. Modern.az bu barədə Milli Məclisin mətbuat xidmətinə istinadən məlumat verib. 2009-cu ilin payız sessiyası dövründə, ümumilikdə, Milli Məclisin 13 iclası keçirilib, 80 qanun və qərar qəbul olunub. Bu sənədlərdən 1-i Konstitusiya qanununa dəyişikliklər və əlavələr, 16-sı qanun, 7-si qərar, 32-si vaxtilə qəbul olunmuş qanunlara dəyişikliklər və əlavələr, 24-ü isə qanunla təsdiq edilmiş beynəlxalq müqavilələr və konvensiyalardır. 2009-cu ilin payız sessiyası dövründə Milli Məclisin komitələrinin 62 iclasında 167 məsələyə baxılıb, 146 sənəd müzakirə olunub.
