“Şeir mənim üçün duyğular meydanıdır, poeziya söz demək bacarığıdır. Şeirə, poeziyaya bağlı olan insanlarda humanizm və qeyri-humanizm kimi əlamətləri də görmək olar. İnsanın duyğularının tərənnümünün ən gözəl göstəricisi poeziyadır”,
Modern.az millət vəkili Eldar Allahyaroğlunun (Quliyev) şeirlərini təqdim edir
Nə susmusan, qarağacım
Əsrlərdən keçib gəldin
Tarixini özün gördün
Çox sirlər var bu qəlbimdə
Nə susmusan, qarağacım
Dağlar kimi görkəmin var
Qara – yaşıl örpəyin var
Hər ellərdə söhbətin var
Nə susmusan, qarağacım
Qatarların qonum yeri
Qaranquşuyn yaşam yeri
Aslanların dinləm yeri
Nə susmusan, qarağacım
Yağı düşmən sən görmüsən
Namərd sözü eşitmisən
Qətlləri sən görmüsən
Nə susmusan, qarağacım
Rişələri dərindədir
Əzizlər uyuyan yerdədir
Bir xəbər ver ordan mənə
Nə susmusan, qarağacım
Sevənlərin görüş yeri
Sən olmusan, qarağacım
Əhd peyman bağlananda
Yenə susdun, qarağacım
Nadir ağac sayındasan
Kitablara salınmısan
Siyahıya salınmısan
Nə susmusan, qarağacım
Palıd kimi əyilməzsən
Polad kimi sən sınmazsan
Bir qürur var qamətində
Nə susmusan, qarağacım
Bir dərdin var demək sənin
Kədər hissin çoxdur sənin
Hikmət səndə, qüdrət səndə
Nə susmusan qarağacım
Mən də getdim xəyallara
Qərq olaraq dəryalara
Fikirləşdim nədir belə
Niyə susur, qarağacım
Sonra birdən bildim dərdin
Bəhrəsizsən qarağacım
Budur sənin böyük kıəmin
Sən susursan qarağacım
Insanlar da sənin kimi
Hey susarlar məzlum kimi
Bir də sormam daha səndən
Mən də susdum, qarağacım
Əhval tutub soruşanda keyfini
Saf üzünü, qeyrət dolu qəbrini
Şux baxışı vardır mənim kəndlimin.
Əsrlərdən keçib gəlmiş kəndimiz
Odlar yurdu olub bizim əslimiz
Öz dininə sadiq olub kəndlimiz
Müqəddəs bir “Quran”ı var kəndimin.
Tomrislərdən başlanmışdır nəslimiz
Şah Abbasa süfrə açmış kəndlimiz
Təklif almış şöhrətlərə çatmağa
Vətənini qoyub getməz kəndlimiz.
Şah İsmayıl məclisində süzübdür
Nizamidən, Füzulidən deyibdir
Hər tərəfdə tanınandır kəndlimiz.
Ağbirçəyin qarşısında diz çökər
Ağsaqqala salam verib baş əyər
Halal zəhmətilə, alın təriylə
Ailə qurub dolandırar kəndlimiz.
Ziyalılar diyarıdır kəndimiz
Axund Mirqənidir bizim kəndlimiz
Əhməd ağa böyük alim, mütəffəkir
Yaşar Nuri çox sevilən kəndlimiz.
Torpağına buraxmayıb kəndlimiz
Dığaları qanına qəltan edən
Çox igidlər yetişdirb kəndlimiz.
Meyxananın beşiyidir kəndlimiz
Hacı Kazım, Ağasəlim, Ağahüseyn
Ustad Vahid əzizidir kəndimiz.
Altı aylıq pəhləvanlı kəndimiz
Aslanlar tək nərə çəkib bel qırar
Qartal kimi vüqarlıdır kəndlimiz.
Çox söylənir lətifələr kəndimdən
Qəh-qəh çəkib gülüşürlər dərindən
Yarış olsa, dəvət alsa bəndəmiz
Şəkiliyi dərs də keçər kəndlimiz.
Hamı kimi bu dünyadan köçəndir
Düz sözünü göz içinə deyəndir
Seyidağanın davamıdır kəndimiz.
Eldar Allahyaroğlu