Əfqanıstanın Bastion hərbi düşərgəsində Britaniyalı əsgər uşaq dünyaya gətirib. Modern.az Gulf News.com saytına istinadən bildirir ki, Helmand əyalətindəki Basiton düşərgəsində çərşənbə axşamı uşaq dünyaya gətirən qadın əsgərin hamiləliyindən xəbərsiz olması barədə Britaniya mediasi məlumat yayıb.
Britaniya Müdafiə Nazirliyinin sözçüsü açıqlama verib: “Biz sentyabr ayının 18-də Helmand əyalətindəki Bastion düşərgəsində britaniyalı qadın əsgərin uşaq dünyaya gətirdiyini təsdiq edirik. Ana və uşağın vəziyyəti yaxşıdır və mümkün olan ən yaxşı şəraitdə onlara baxılır”. Ana və uşaq qayıdan vaxt onlara təyyarədə qulluq göstərməsi üçün xüsusi qrup yaradılıb.