Türkiyənin Azərbaycana təyin edilmiş yeni səfiri İsmayıl Alper Çoşqun bu gün Azərbaycanın media rəhbərlərilə görüşüb. Modern.az saytının məlumatına görə, görüş səfirlik iqamətgahında baş tutub.
Tanışılıq xarakteri daşıyan görüşdə səfir Azərbaycanda diplomatik fəaliyyətə başlamasından məmnun olduğunu qeyd edib, media ilə təmasların olmasını vacib sayıb.
İsmayıl Alper Çoşqun ilk dəfədir Azərbaycana gəldiyini də qeyd etməyi unutmayıb. O, özünü sanki öz evindəymiş kimi hiss etdiyini vurğulayıb. Səfir bildirib ki, Bakıda qürurverici inkişaf müşahidə olunur. Türkiyə və Azərbaycan Bakı-Tiflis-Ceyhan layihəsini kölgədə qoyacaq projelər üzərində işləyir.
