İsmayıllı rayonunda, Əyyubbəyli Kənd Bələdiyyəsinə məxsus ərazidə 30 ha sahədə yanğın baş verib. Fövqəladə Hallar Nazirliyinin məlumatına görə, yanğının söndürülməsinə Nazirliyin 100-ə yaxın canlı qüvvəsi və 4 ədəd yanğınsöndürmə texnikası cəlb olunub. Nəticədə yaxınlıqdakı meşə zolağı yanğından mühafizə olunub. Əməliyyatda iştirak edən əsgərlərdən biri yanıq xəsarəti aldığından xəstəxanaya aparılıb.