Modern.az

“Qarabağ problemi” barədə daha bir kitab

“Qarabağ problemi” barədə daha bir kitab

Qarabağ

11 Fevral 2010, 18:40

Media Mərkəzində Azərbaycan və ingilis dillərində çap olunmuş “Qarabağ problemi” kitabının təqdimatı keçirilib.

Kitab QHT-lərə Dövlət Dəstəyi Şurasının maliyyə dəsətyilə Araz Tədqiqatlar Mərkəzinin (ATM) həyata keçirdiyi “Qarabağ problemi: tarixi, mahiyyəti, həlli prosesi” layihəsi çərçivəsində hazırlanıb. Kitabda Qarabağ ərazisinin coğrafiyası və tarixi, problemin yaranması, problemin həllinin beynəlxalq müstəviyə keçməsi, dövlətin ərazi bütovlüyü və xalqların müqəddəratını təyinetməsi prinsipləri, problemin Azərbaycanın maraqları çərçivəsində həlli məsələləri əksini tapıb. “Bu problem barədə çox yazılıb, bu kitabda da təkrarlar ola bilər, amma biz həm də yeni baxış ortaya qoyduq”, - deyə ATM sədri və kitabın müəllifi Araz Aslanlı kitab barədə fikrini bildirib.

Problemin həllində dövlətin ərazi bütövlüyü və xalqların müqəddəratını təyinetməsi prinsipləri üzərində xüsusi duran A.Aslanlı mövcud işğal durumuna “işğal faktı öz müqəddəratını təyinetmə hüququna əsas ola bilməz” kimi münasibət ifadə edib. Onun fikrinjə, önjə işğal faktı aradan qaldırılmalıdır, sonra isə xalqların müqəddəratı prinsipinə baxmaq olar.

Professor Cəmil Həsənli Qarabağ problemilə bağlı daha çox kitab yazılmasına ehtiyac olduğunu deyib. “Qarabağ problemilə bağlı belə kitabların yayılmasıdır ki, erməni tərəfi qarşılıqlı ittihamlara son qoyulması barədə danışır, Rusiya Azərbayjanda nəşr edilən kitablarda ermənilərə düşmənçilik olması barədə mövqe ifadə edir”, - deyə C.Həsənli bu tip kitabların yazılmasını təbliğ edib.

Bununla yanaşı, C.Həsənli problemə münasibətdə “Dağlıq Qarabağ problemi” yox, “Qarabağ problemi” ifadəsi işlətməyi tövsiyyə edib.

 Yeri gəlmişkən, C.Həsənli bu ilin mayında İranda “Azərbaycanda nəşr edilən kitablarda qonşu xalqlara münasibət” adlı konfrans keçiriləcəyini deyərək, bu tədbirdə Azərbaycanın hədəf  götürüləcəyini bildirib. Bununla yanaşı, C.Həsənli bu tipli kitabların nəşrinə maliyyə dəstəyi verən qurum və şəxslərə adlarının həmin kitablarda əksini tapmasına səy etməmələrinin istəyib. “Sifarişçisi olan kitablara beynəlxalq aləm etimadla yanaşmır, həmin kitabların etimadlılıq dərəjəsi aşağı düşür, buna görə də bu kitablar sponsoru olmadan gösrtərilməlidir”, - deyə C.Həsənli mövqeyini bildirib.

Son olaraq isə C.Həsənli bu kitabların rus, alman, ərəb və s. xarici dillərdə yayılmasının vacibliyini vurğulayıb.

 

Instagram
Gündəmdən xəbəriniz olsun!
Keçid et
Sevastopolda Rusiyaya məxsus daha bir SU-35 vurulub