Modern.az

Sabiq rabitə naziri Nadir Əhmədovla FOTOSÖHBƏT

Sabiq rabitə naziri Nadir Əhmədovla  FOTOSÖHBƏT

Fotosöhbət

26 Oktyabr 2012, 11:46

Modern.az saytı keçmiş (1997-2004 –cü il) rabitə naziri Nadir Əhmədov  ilə fotosöhbəti təqdim edir. 

Nadir Alı Əhmədov 1940-cı ildə Şəki rayonunun Göynük mahalının Aşağı Layisqi kəndində anadan olub. 1960-cı ildə Bakı Rabitə Texnikumunu, 1965-ci ildə isə Odessa Rabitə Elektrotexnika İnstitutunun Elektrik rabitəsi fakültəsini bitirib.
1968-70-ci illərdə Sovet Ordusunda xidmət edib. 1960-85-ci illərdə Bakı telefon şəbəkəsində texnik, mühəndis, sex rəisi, stansiya xidməti rəisi, baş mühəndis, daha sonra 12 il rəis işləyib.
1985-ci ildən 1997-ci ilədək (12 il) rabitə nazirinin müavini və 1997-ci ildən 2004-cü ilədək (7 il) rabitə naziri vəzifəsində işləyib. 50-dən çox şəmərələşdirici təklifin, bir ixtiranın, beş texniki kitabın, çoxsaylı məqalələrin müəllifidir.

Dövlət və ictimai işlərdə xidmətlərinə görə «Şərəf nişanı» ordeni ilə təltif olunub, SSRİ Rabitə Nazirliyinin «Rabitə ustası» adına, Respublikanın «Əməkdar rabitəçisi» fəxri adına, MDB Dövlətlərinin Assambleyasında qızıl medala və xüsusi diploma layiq görülüb. ABŞ-ın Bioqrafiyalar İnstitunun dünyada apardığı sorğuya əsasən Nadir Əhmədov «2001-ci ilin adamı» seçilib, 2002-ci ildə ABŞ-da aparılan digər sorğuya əsasən «Dünyanın qabaqcıl ziyalıları» tituluna layiq görülüb.

N. Əhmədov KİV və Sosial Araşdırma Mərkəzləri tərəfindən 2000-ci ildə «İlin ən işgüzar dövlət məmuru», 2001-ci ildə «İlin ciddi siması», 2002-ci ildə «İlin naziri», 2003-cü ildə «İlin dövlət məmuru» və «Veteranların dostu» adına layiq görülüb.

1979-87-ci illərdə Bakı şəhər Xalq Deputatları Sovetinin deputatı olub.
Qarabağ müharibəsinin veteranıdır.
Abşeron rayonunun və Mingəçevir şəhərinin fəxri vətəndaşıdır. Evlidir, 3 övladı və 3 nəvəsi var.

Odessada tələbəlik illəri...

Odessada tələbə yoldaşları ilə (ortada).

Hərbi xidmətdə...

Bakı Şəhər Telefon Şəbəkəsinin baş mühəndisi vəzifəsində. İş otağında...

Müharibə veteranlarına hər zaman qayğı gərəkdir. Onlar üçün BŞTŞ-də xüsusi tərtib edilmiş qəbul otağında...

Azərbaycan SSR rabitə naziri H.Rəsulbəyov 1978-ci ilin III rübündə Ümumittifaq sosializm yarışında qalib çıxdığına görə SSR Rabitə Nazirliyi və Rabitə İşçiləri Həmkarlar İttifaqları Mərkəzi Komitəsinin Keçici Qırmızı Bayrağını BŞTŞ-nin rəisi Nadir Əhmədova təqdim edir (oktyabr, 1978).  

Rabitə nazirinin müavini B.Axundov Bakı şəhəri Telefon Şəbəkəsinə keçici  bayraq təqdim edir.

Ailəmiz...Həyat yoldaşım Mahirə xanım, oğlum Vahid, qızlarım Sevda və Vəfa ilə...

1982-ci ildə Azərbaycan Dövlət Filarmoniyasında Bakıda ilk ATS-in istifadəyə verilməsinin 50 illiyi mərasimi...

Politexnik İnstitutunun filialında rabitəçilərə yeni texnikanın öyrədilməsi dərsləri (həftədə bir ddəfə şənbə günləri keçirilirdi).

Rabitəçilərə fəxri diplomun verilməsindən sonra. Soldan: birinci sırada M.Lıtnev (eynəkli), Nadir Əhmədov, D.Məmmədova, Azərbaycan SSRİ Ali Soveti Rəyasət heyətinin sədri Qurban Xəlilov, İsrail Vəliyev və digərləri... 

Nadir Əhmədov Şəkidə təhsil aldığı 10 №-li orta məktəbin müəllimləri və sinif yoldaşları ilə...

Rabitə naziri təyin olunduqdan sonra iş otağında...

Şuşanı sonuncu tərk etmiş köçkün rabitəçilərlə görüş (Bakı şəhəri).

 

Dağıstanın rabitə nazirini qəbul edərkən...

 

Ortada Rusiya Federasiyasının rabitə naziridir. Moskvada mərasimdəyik...

 

Xalq artisti Hacıbaba Bağırov və Rüfət Əhmədzadə ilə...

 

Xalq artisti Barat xanım Şəkinskaya ilə söhbət edərkən...

 

Onun geniş təqdimata ehtiyacı yoxdur. Bəstəkar, Xalq artisti Tofiq Quliyevlə yanaşı... 

 

Həmyerlilər.. Nadir Əhmədov Xalq şairi Bəxtiyar Vahabzadə ilə Rabitə Nazirliyində keçirilmiş görüşdən sonra..

 

Xalq şairi Bəxtiyar Vahabzadə dostları arasında. Şairdən solda Nadir Əhmədov, sağda Baş nazirin müavini Abid Şərifov...

 

Rabitə Nazirliyinin otüstü hokkey komandasının "Rabitəçi"nin üzvləri ilə birgə...

 

İmişli rayonunda yeni, müasir tipli TV stansiyanın açılışında...

 

Prezident Heydər Əliyevin iştirakı ilə Qaradağ rayonunda qaçqınlar və məcburi köçkünlər üçün istifadəyə verilmiş qəsəbədə yeni poçt şöbəsinə baxış...

 

Dostların ailəvi görüşü...

 

Orta məktəbi bitirməyimizin 50 illiyində...

Soldan İbrahim Mustafayev, yazıçı-dramaturq Rüstəm İbrahimbəyov və mən...

 

Nəvələrim Vüsalə və İlkin..

 

Dövlətdə dəvə, övladda nəvə...

 

Həyat yoldaşım Mahirə xanımla...

Sonuncu şəkillərdən biri...

 

Modern.az

Instagram
Gündəmdən xəbəriniz olsun!
Keçid et
Əskipara kəndinə getmək istəyən jurnalistlər belə saxlanıldı