“Bakıya gedəcəyim günü səbirsizliklə gözləyirəm”
Rusiyanın məşhur müğənnisi, xalq artisti Filip Kirkorov Bakıda keçiriləcək konsertlə bağlı gördüyü diqqətdən razılığını bildirib. Erməni əsilli müğənninin Bakıdakı konsertinin təşkilatçısı olan İtaldizayn Groupdan verilən məlumata görə, Filip Kirkorov Azərbaycan xalqının ona qarşı göstərdiyi diqqət və qayğıya görə sevindiyini və bu sevginin ona xoş təsir bağışladığını bildirib. 8 noyabrda Bakı Kristal Zalda keçiriləcək konsertin möhtəşəm olacağını bildirən müğənni Bakıya gələcəyi günü səbirsizliklə gözlədiyini vurğulayıb.
Qeyd edək ki, Filip Kirkorovun Bakıda keçiriləcək ilk solo konserti 9 noyabr – Dövlət Bayrağı günündə Heydər Əliyev Sarayında keçirilməsi nəzərdə tutulsa da, konsertin keçirilmə tarixi sonradan dəyişdirilərək 8 noyabr tarixinə təyin olunub. Belə ki, erməni əsilli Filip Kirkorovun qalmaqallı konserti 8 noyabr tarixində saat 20:00-da Crystal Hall konsert zalında keçiriləcək.
Anar
