Daxili İşlər Nazirliyi tanınmış müğənni Rəqsanə İsmayılovanın keçmiş prodüseri Təranə Səmədovanın qarət olunduğu barədə məlumat yayıb. Nazirliyin məlumatına görə, noyabrın 26-da saat 22.00 radələrində Nəsimi rayonu ərazisində, Bakı şəhər sakinləri Raziyə Nəsibova və onun qızı Lalə həmyerliləri Təranə Səmədovanı bıçaqla hədələyərək ondan 130 manat pul və qızıl üzüyünü alıb, hadisə yerindən qaçıb. İlkin əməliyyat-axtarış tədbirləri Nəsimi RPİ tərəfindən aparılır.