Rusiyanın tanınmış kinorejissoru Vladimir Motıl dünyasını dəyişib. Modern.az Rusiya mətbuatına istinadən xəbər verir ki, 83 yaşlı rejissor dünən gecə saatlarında Moskva xəstəxanalarından birində vəfat edib. Rejissor fevralın əvvələrində reanimasiyaya götürülüb. Son ana qədər həkimlər onun durumunun ağır olduğunu bildiriblər.
Motıl “Səhranın bəyaz günəşi” filmini çəkib. Sovet dönəmində milyonların sevdiyi bu kino əsərin ssenarisini azərbaycanlı kinodramturq Rüstəm İbrahimbəyov yazıb.
