“Milli QHT Forumunun sabah “Kemspinski Hotel Badamdar”da keçriləcək 8-ci qurultayı ilə bağlı hazırlıq işləri yekunlaşıb və tədbirin yüksək səviyyədə keçirilməsi nəzərdə tutulub”. Bu sözləri Modern.az-a açıqlamasında Milli QHT Forumunun prezidenti Rauf Zeyni deyib. O, qeyd edib ki, qurultaya foruma üzv olan bütün təşkilatlar dəvət olunub, onlardan 400-ə qədəri gəlmələri barədə təsdiq verib.
“Qurultaya rayondan gələcək olanlar da var. Ona görə də hava şəraiti ilə əlaqədar ola bilər ki, onlar gəlməsin. Ancaq üzvlərimizin böyük əksəriyyəti iştirak edəcək. Bundan əlavə, dövlət qurumları, özəl sektor, media nümayəndələri də qurultayda iştirak edəcək. Eyni zamanda Milli QHT Forumuna üzv olmayan təşkilatlar da foruma dəvətlidir”.