Türkiyə Böyük Millət Məclisində (TBMM) bir qrup deputat arasında dava düşüb. Modern.az türk mətbuatına istinadən bildirir ki,TBMM bu gün keçirilən iclasında BDL-li deputatlarla hakim Partiya (AKP) təmsilçiləri arasında gərgin anlar yaşanıb. Parlamentin iclasında çıxış edən BDP-li deputat Sırrı Sakık hökuməti sərt tənqid edib. Deputatın tənqinlərinə cavab verən AKP rəsmisi Məhmət Mətinərin çıxışından sonra tərəflər bir-birlərinin ünvanına təhqiramiz ifadələr səsləndiriblər. Mübahisəyə BDP-nin və eləcə də AKP-nin parlamentdə təmsil olunan nümayəndələrinin qarışması vəziyyəti daha da gərginləşdirib.
Bir anlıq döyüş meydanına dönən parlamentdə deputatların davası ilə əlaqədar iclasında fasilə elan edilib.
Modern.az